ກະຊວງວິທະຍາສາດ ແລະ ເຕັກໂນໂລຊີ(ກວຕ).

ລາຍລະອຽດ

ສ້າງຂື້ນເມື່ອ ວັນພະຫັດ, 19 ເມສາ 2018 02:48

ຂຽນໂດຍ khamsy

ກະຊວງວິທະຍາສາດ ແລະ ເຕັກໂນໂລຊີ(ກວຕ) ຈັດພິທີປາຖະກະຖາວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 63 ປີ ແລະ ວັນຄຽດແຄ້ນຂອງປະຊາຊົນລາວ ຄົບຮອບ 72 ປີ.

          ໃນວັນທີ 23 ມີນາ 2018 ຜ່ານມາ. ກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ຈັດຕັ້ງພິ ທີ​ປາຖະກະຖາເອກະສານສຳຄັນທາງປະຫວັດສາດຄື: ວັນສ້າງຕັ້ງພັກປະຊາຊົນປະຕິວັດລາວ

ຄົບຮອບ 63 ປີແລະ ວັນຄຽດແຄ້ນຂອງປະຊາຊົນລາວ ຄົບຮອບ 72 ປີ ຂຶ້ນ. ​ໃຫ້ກຽດປາຖະກະຖາ ​ໂດຍທ່ານ ປອ. ຄຳໝັ້ນ ຈັນທະລັງສີ ຮອງເລຂາຄະນະພັກ ຮອງຫົວໜ້າຄະນະໂຄສະນາອົບຮົມສູນກາງພັກ. ເຂົ້າຮ່ວມມີ: ສະຫາຍ ບຸນຕີ ທະມິດ ຮອງເລຂາຄະນະພັກ ຮອງລັດຖະມົນຕີ ກວຕ, ບັນດາສະຫາຍເລຂາ, ຮອງເລຂາໜ່ວຍພັກຫ້ອງການ, ກົມສະຖາບັນ, ບັນດາສະມາຊິກພັກ ແລະ ພະນັກງານວິຊາການ ກວຕ.

          ໃນພິທີ ທ່ານ ປອ ຄໍາໝັ້ນ ຈັນທະລັງສີ ໄດ້ຍົກໃຫ້ເຫັນປະຫວັດຄວາມເປັນມາ ຂອງການເຕີບໃຫຍ່ຂະຫຍາຍຕົວ ແລະ ມູນເຊື້ອອັນສະຫງ່າລາສີ ຂອງພັກ​ໃນແຕ່ລະໄລຍະ ນັບແຕ່ວັນສ້າງຕັ້ງພັກປະຊາຊົນປະຕິ ວັດລາວ ໂດຍແນ່ໃສ່ເຮັດໃຫ້ພະນັກງານ-ລັດຖະກອນ ມີຄວາມຮັບຮູ້, ເຂົ້າໃຈ ແລະ ເຊື່ອມຊືມມູນເຊື້ອປະ ຫວັດ ສາດ ຜົນງານແຫ່ງການຊີ້ນຳ-ນຳພາຂອງ ພັກປະຊາຊົນປະຕິວັດລາວ ໃນໄລຍະແຫ່ງການຕໍ່ສູ້ຕ້ານການຮຸກຮານ ຂອງຈັກກະພັດລ່າເມືອງຂຶ້ນ ທັງແບບເກົ່າ ແລະ ໃໝ່ຈົນສາມາດປົດປ່ອຍປະເທດຊາດຢ່າງສົມບູນ ໃນວັນທີ 2 ທັນວາ 1975, ສືບຕໍ່ຊີ້ນຳ-ນຳພາປະຊາຊົນລາວ ໃນພາລະກິດປົກປັກຮັກສາ ແລະ ສ້າງສາພັດທະ ນາປະເທດຊາດ ຈົນເຖິງປັດຈຸບັນ. ທ່ານ ຍັງກ່າວຕື່ມວ່າ: ຕະຫລອດໄລຍະ 63 ປີ ທີ່ພັກປະຊາຊົນປະຕິວັດລາວ ໄດ້ເຄື່ອນໄຫວນຳພາການປະຕິວັດຊາດ ປະຊາທິປະໄຕ ໃນການນຳພາປົກປັກຮັກສາ ແລະ ສ້າງສາລະ ບອບໃໝ່ ເວລາໃດພັກເຮົາກໍເອົາໃຈໃສ່ຢ່າງຈົດຈໍ່ ຕໍ່ການເພີ່ມທະວີຄວາມສາມັກຄີເປັນເອກະພາບພາຍໃນພັກ ໄປຄຽງຄູ່ກັບການເສີມຂະຫຍາຍ ປະຊາທິປະໄຕ ແລະ ສິດເປັນເຈົ້າຂອງປະຊາຊົນລາວ, ຖືສຳຄັນການເຕົ້າ ໂຮມຄວາມສາມັກຄີເປັນປຶກແຜ່ນພາຍໃນຊາດ, ເຊີດຊູຄວາມເປັນແບບຢ່າງນຳໜ້າ, ຮັກສາໄດ້ຄຸນທາດການ ເມືອງ, ຄຸນສົມບັດສິນທຳປະຕິວັດອັນຜ່ອງ​ໃສ ແລະ ໄດ້ຮັບຄວາມນັບຖືເຊື່ອໝັ້ນ ຂອງປະຊາຊົນລາວບັນດາ ເຜົ່າຕະຫລອດມາ.

    ໃນໂອກາດດຽວກັນນີ້, ທ່ານ ປອ ຄໍາໝັ້ນ ຈັນທະລັງສີ ຍັງໄດ້ສະ​ເໜີເອກະສານກ່ຽວກັບ ວັນຄຽດແຄ້ນຂອງປະຊາຊົນລາວ ຊຶ່ງທ່ານ​ໄດ້​ຍົກ​ໃຫ້​ເຫັນ ສະພາບການ ແລະ ການກະກຽມການຕໍ່ສູ້ຕ້ານພວກລ່າເມືອງຂຶ້ນ ຝຣັ່ງ ຂອງໜ່ວຍພັກເມືອງທ່າແຂກ; ເຫດການການຕໍ່ສູ້ຢ່າງພິລະອາດຫານຂອງທະຫານ ​ແລະ ປະຊາຊົນຢູ່ເມືອງທ່າແຂກ, ຊີ້​ເປັນບັ້ນຮົບປ້ອງກັນຕົວເມືອງທ່າແຂກ. ການຫວນຄືນເຫດການສຳຄັນດັ່ງກ່າວ ​ເຮັດໃຫ້ພວກເຮົາລະນຶກເຖິງວິລະກຳ ແລະ ຜົນງານອັນຍິ່ງໃຫຍ່ຂອງບັນດາພະ ນັກງານ, ນັກຮົບ ແລະ ປະຊາຊົນທີ່ໄດ້ຮ່ວມເປັນຮ່ວມຕາຍນຳກັນ ຕໍ່ສູ້ປ້ອງກັນເມືອງທ່າແຂກ ກໍຄືການປົກປ້ອງຄວາມເປັນເອກະລາດ ແລະ ກຽດສັກສີຂອງຊາວລາວເຮົາ; ວັນທີ 21 ມີນາ ແມ່ນວັນອັນສະຫງ່າລາສີ ວັນແຫ່ງຄວາມເອກອ້າງທະນົງໃຈຂອງຊາດເຮົາ.

• < ຕໍ່ໄປ
• ຕໍ່ໄປ >