ຄະນະໂຄສະນາອົບຮົມສູນກາງພັກ ຈັດຕັ້ງຕັ້ງເຜີຍ.

ລາຍລະອຽດ

ສ້າງຂື້ນເມື່ອ ວັນພຸດ, 02 ພຶດສະພາ 2018 07:19

ຂຽນໂດຍ somphinith

ຄະນະໂຄສະນາອົບຮົມສູນກາງພັກ ຈັດຕັ້ງເຜີຍແຜ່ເຊື່ອມຊຶມເນື້ອໃນຈິດໃຈຂອງກອງປະຊຸມວຽກງານກວດກາທົ່ວປະເທດ ປະຈໍາປີ 2017.

    ໃນວັນທີ່ 26 ເມສາ 2018 ຜ່ານມາ. ຄະນະໂຄສະນາອົບຮົມສູນກາງພັກ ​ໄດ້ຈັດຕັ້ງພິທີເຜີຍແຜ່ເຊື່ອມຊຶມເນື້ອໃນຈິດໃຈຂອງກອງປະຊຸມວຽກງານກວດກາທົ່ວປະເທດປະຈໍາປີ 2017 ຂຶ້ນທີ່

ຫ້ອງປະ ຊຸມໃຫຍ່ ຄອສພ (ຫຼັກ6). ໂດຍພາຍໃຕ້ການເປັນປະທານຂອງ ທ່ານ ປອ ຄໍາໝັ້ນ ຈັນທະລັງສີ ຮອງເລຂາຄະນະພັກ  ຮອງຫົວໜ້າຄະນະໂຄສະນາອົບຮົມສູນກາງພັກ ປະທານກວດກາ ຄອສພ, ເຂົ້າຮ່ວມມີ: ບັນດາຄະນະພັກ, ຫົວໜ້າກົມ, ຮອງກົມ ແລະ ພະນັກງານວິຊາການທົ່ວ ຄອສພ.

   ໃນພິທີ ທ່ານ ນ. ສົມພອຍ ພົມມະຈັກ ຄະນະພັກ ຮອງປະທານກວດກາພັກ-ລັດ ຄອສພ ໄດ້ຂຶ້ນຜ່ານບົດສະຫຼຸບການເຄື່ອນໄຫວວຽກງານກວດກາ ປະຈໍາປີ 2017 ແລະ ທິດທາງແຜນການປີ 2018 ຂອງຄະນະໂຄສະນາອົບຮົມສູນກາງພັກ, ຂໍ້ກໍານົດ ວ່າດ້ວຍການຕິດຕາມ, ກວດກາການຈັດຕັ້ງປະຕິ ບັດຜົນກວດກາຊຶ່ງທ່ານ ໄດ້ຍົກໃຫ້ເຫັນໄດ້ເຖິງດ້ານດີ, ດ້ານອ່ອນຂໍ້ຄົງຄ້າງ ແລະ ບົດຮຽນທີ່ທອດຖອນໄດ້ເປັນຕົ້ນແມ່ນ ຄະ ນະພັກ ຄະນະກວດກາແຕ່ລະຂັ້ນ ຄະນະໂຄສະນາອົບຮົມສູນກາງພັກ ໄດ້ເອົາໃຈໃສ່ຊີ້ນໍາ-ນໍາພາຄົ້ນຄວ້າເຊື່ອມຊືມ, ກໍາແໜ້ນ ໃນການຈັດຕັ້ງຜັນຂະຫຍາຍ ແລະ ປະຕິບັດມະຕິກອງປະ ຊຸມໃຫຍ່ ຄັ້ງທີ X ຂອງພັກ ກົດລະບຽບຂອງພັກ, ມະຕິ 5 ສະໄໝທີ X ວ່າດ້ວຍການແກ້ໄຂພະຍາດອາດ ຍາສິດ ແລະ ຕ້ານການສໍ້ລາດບັງຫຼວງ, ຄໍາສັ່ງຕ່າງໆ ຂອງພັກ ແລະ  ມະຕິກອງປະຊຸມໃຫຍ່ ຄັ້ງທີ IV ຂອງ ອົງຄະນະພັກຄະນະໂຄສະນາອົບຮົມສູນກາງພັກ  ແລະ ໄດ້ສຸມໃສ່ນໍາພາການດໍາເນີນຊີວິດການເມືອງ ປັບປຸງປົວ ແປງພັກ ຕາມຄໍາສັ່ງເລກທີ 01/ກມສພ. ພ້ອມນັ້ນ ທ່ານ ປອ ຄໍາໝັ້ນ ຈັນທະລັງສີ  ຮອງ​ຫົວໜ້າຄະນະ​ໂຄສະນາ​ອົບຮົມ​ສູນ​ກາງ​ພັກ ຍັງໄດ້​ເຜີຍ​ແຜ່ ເນື້ອໃນເອກະສານບົດແນະນໍາເພີ່ມ ເຕີມ ກ່ຽວກັບສິດຕົກລົງວິໄນຂັ້ນກ່າວເຕືອນ, ປ່ຽນແປງ ຫຼື ລົບລ້າງວິໄນ ຂອງຄະນະກວດກາພັກຂັ້ນເມືອງ ແລະ ທຽບເທົ່າຂຶ້ນໄປ ແລະ ບົດໂອ້ລົມຂອງ ທ່ານ ປອ ບຸນທອງ ຈິດມະນີ ປະທານ ຄະນະກວດກາສູນກາງພັກ ຕໍ່ກອງປະຊຸມວຽກງານກວດກາທົ່ວປະເທດ ປະຈໍາປີ 2017.

     ໃນພິທີ ຍັງໄດ້​ແຈ້ງພະນັກງານ ອອກພັກການ- ຮັບອຸດໜູນບໍານານ ແລະ ປະກາດແຕ່ງຕັ້ງຂັ້ນຫົວ ໜ້າກົມຈໍານວນໜຶ່ງຄື:

• ອອກພັກການ-ຮັບອຸດໜູນບໍານານ  5 ທ່ານ.

1. ທ່ານ ປອ ດາວເຮືອງ ສິນຕະນາກ
2. ທ່ານ ນາງ ໄພພັດ ຈັນງາຄໍາ
3. ທ່ານ ນາງ ພາວອນ ສຸກນະວົງ
4.  ທ່ານ ນາງ ຈຽງຄໍາ ທຸມມະອາໄພ 
5. ທ່ານ ນາງ ວິໄລວັນ ວົງສາ

• ຍົກຍ້າຍຮັບໜ້າທີ່ໃໝ່ 2 ທ່ານ.

1. ທ່ານ ນາງ ບົວລີ ບັນຊາລິດ ເປັນຫົວໜ້າກົມໂຄສະນາ
2. ທ່ານ ຄໍາວິສັນ ແກ້ວສຸວັນ ເປັນຜູ້ຊ່ວຍຄະນະໂຄສະນາອົບຮົມສູນກາງພັກ

• ເລື່ອນຊັ້ນຮອງຫົວໜ້າກົມ ຂຶ້ນ​ເປັນ​ຫົວໜ້າກົມ 3 ທ່ານ.

1. ທ່ານ ຄໍາເຄນ ຈັນທະວົງ ເປັນຫົວໜ້າກົມອົບຮົມ
2. ທ່ານ ໂພເມກ ວິໄລສັກ ເປັນຫົວໜ້າບກ ວາລະສານໂຄສະນາ
3. ທ່ານ ນາງ ສົມພອຍ  ພົມມະຈັກ ເປັນຫົວໜ້າຫ້ອງການ ຄອສພ.

• < ຕໍ່ໄປ
• ຕໍ່ໄປ >