ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 63 ປີ ຢ່າງສຸດໃຈ.                                                                                                                                                                           ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ.                                                                                                                                                                               ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ.                                                                                                                                                                       ຊົມເຊີຍວັນສ້າງຕັ້ງ ສປປ ລາວ ຄົບຮອບ 42ປີ.  

ທ່ານ ສຈ. ປອ ກິແກ້ວ ໄຂຄໍາພິທູນ ຄະນະເລຂາ..

ທ່ານ ສຈ. ປອ ກິແກ້ວ ໄຂຄໍາພິທູນ  ຄະນະເລຂາທິການສູນກາງພັກ ເລຂາຄະນະພັກ ຫົວໜ້າຄະນະໂຄສະນາອົບຮົມສູນກາງພັກ ຕ້ອນຮັບການເຂົ້າຢ້ຽມຂໍ່ານັບຂອງ ຄະນະຜູ້ແທນກອມມູນິດຈີນ.

    ໃນວັນທີ 24 ກໍລະກົດ 2018 ຜ່ານມາ. ທີ່ຫ້ອງຮັບແຂກ (ຊັ້ນ 5) ຂອງຄະນະໂຄສະນາອົບຮົມສູນກາງພັກ (ຫຼັກ6) ທ່ານ ສຈ. ປອ ກິແກ້ວ ໄຂຄໍາພິທູນ  ຄະນະເລຂາທິການສູນກາງພັກ ເລຂາ

ຄະນະພັກ ຫົວໜ້າຄະນະໂຄສະນາອົບຮົມສູນກາງພັກ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບຂອງ ຄະນະຜູ້ແທນກອມມູນິດຈີນ ເຊິ່ງນໍາພາໂດຍ ສະ ຫາຍ ຈ້າວ ຈິນ (Zhao Jin) ຄະນະປະຈໍາພັກແຂວງ ຫົວໜ້າຄະນະໂຄສະນາແຂວງ ຢູນນານ ສປ ຈີນ ພ້ອມດ້ວຍຄະນະ, ເນື່ອງໃນໂອກາດມາຢ້ຽມຢາມ ແລະ ປາຖະກະຖາໃນຫົວຂໍ້ສະເພາະ ຢູ່ ສປປ ລາວ. ເຂົ້າຮ່ວມມີ: ຄະນະ ພັກ, ຫົວໜ້າກົມ ແລະ ຜູ້ຕາງໜ້າບັນດາກົມ ພາຍໃນ ຄອສພ.

   ໃນໂອກາດດັ່ງກ່າວ ສະຫາຍ ຈ້າວ ຈິນ ໄດ້ແຈ້ງໃຫ້ຊາບ ກ່ຽວກັບເນື້ອໃນສໍາຄັນຂອງ ການມາປະຖະກະຖາໃນຄັ້ງນີ້ ແມ່ນປິ່ນອ້ອມ 2 ຫົວຂໍ້ຄື: ເນື້ອໃນຈິດໃຈສໍາຄັນຂອງກອງປະຊຸມໃຫຍ່ ຄັ້ງທີ XIX ຂອງພັກກອມມູນິດຈີນ ແລະ ແນວຄິດສີຈິ້ນຜິງວ່າດ້ວຍສັງຄົມນິຍົມທີ່ມີສີສັນພິເສດຂອງຈີນໃນຍຸກສະໄໝໃໝ່. ເຊິ່ງປັດຈຸບັນ ທົ່ວພັກກອມມູນິດຈີນ ພວມຈັດຕັ້ງຜັນຂະຫຍາຍເນື້ອໃນດັ່ງກ່າວເຂົ້າສູ່ວຽກງານຕົວຈິງຂອງຕົນ, ໂດຍສະເພາະ ປັດຈຸບັນແຂວງ ຢູນນານ ພວມລົງເລິກຈັດຕັ້ງຜັນຂະຫຍາຍເນື້ອໃນດັ່ງກ່າວ ແລະ ແກ້ໄຂຄວາມທຸກຍາກຂອງປະຊາຊົນ ໃຫ້ບັນ ລຸຕາມຄາດໝາຍຂອງ ແຂວງ ແລະ ຂອງສູນກາງພັກວາງໄວ້ ເພື່ອເຮັດໃຫ້ຫຼຸດພົ້ນອອກຈາກຄວາມທຸກຍາກໄປພ້ອມກັບແຂວງອື່ນໆ ໃນທົ່ວປະເທດໃຫ້ສໍາເລັດ ໃນປີ 2020; ໃນໂອກາດທີ່ມີຄວາມໝາຍ ຄວາມສໍາຄັນດັ່ງກ່າວ ທ່ານ ກິແກ້ວ ໄຂຄໍາພິທູນ ໄດ້ສະແດງຄວາມຍິນດີຕ້ອນຮັບຢ່າງອົບອຸ່ນຕໍ່ການມາຢ້ຽມຢາມ ແລະ ປາຖະກະຖາຢູ່ ສປປ ລາວ ຂອງ ສະຫາຍ ຈ້າວ ຈິນ ພ້ອມດ້ວຍຄະນະ ຄັ້ງນີ້ເຊິ່ງເປັນການປະກອບສ່ວນທີ່ສໍາຄັນເຂົ້າໃນການເສີມຂະຫຍາຍສາຍພົວພັນມິດຕະພາບ ແລະ ການພົວພັນແບບຄູ່ຮ່ວມຍຸດທະຍາດຮອບດ້ານ ໝັ້ນຄົງ ຍາວນານ ຕາມທິດ 4 ດີ ກໍຄືການເປັນຄູ່ຮ່ວມຊາຕາກໍາສັງຄົມນິຍົມ ລະຫວ່າງ ສອງພັກ ສອງລັດ ແລະ ປະຊາຊົນສອງຊາດ ລາວ-ຈີນ ໃຫ້ນັບມື້ນັບແຕກດອກອອກຜົນຍິ່ງໆຂຶ້ນ; ຕີລາຄາສູງຕໍ່ການນໍາພາ ຂອງສູນກາງພັກກອມມູນິດຈີນ ກໍຄື ຄະນະພັກ-ຄະນະນໍາຂອງແຂວງ ຢູນນານ ທີ່ໄດ້ນໍາພາປະຊາຊົນຈີນອ້າຍນ້ອງດໍາເນີນການສ້າງສາພັດທະນາເສດຖະກິດ-ສັງຄົມ ດ້ວຍຜົນສໍາເລັດອັນໃຫຍ່ຫຼວງ, ເຊິ່ງໄດ້ຍົກຊີວິດການເປັນຢູ່ຂອງປະ ຊາຊົນໃຫ້ນັບມື້ນັບສູງຂຶ້ນ ແລະ ເຮັດໃຫ້ບົດບາດຂອງຈີນສູງເດັ່ນຂຶ້ນໃນເວທີພາກພຶ້ນ ແລະ ສາກົນ. ພ້ອມນັ້ນ ທ່ານຍັງໄດ້ສະແດງຄວາມຂອບໃຈຕໍ່ສູນກາງພັກກອມມູນິດຈີນ ກໍຄື ແຂວງຢູນນານ ທີ່ໄດ້ໃຫ້ການສະໜັບສະໜູນຊ່ວຍເຫຼືອ ຕໍ່ພັກ, ລັດ ແລະ ປະຊາຊົນລາວ ໂດຍຕະ ຫຼອດມາ, ທັງໄດ້ປະກອບສ່ວນສໍາຄັນເຂົ້າໃນການພັດທະນາຂອງ ສປປ ລາວ ແລະ ທ່ານ ຍັງໄດ້ສະເໜີໃຫ້ແຂວງ ຢູນນານ ສືບຕໍ່ເພີ່ມທະວີການພົວພັນຮ່ວມມືແລກປ່ຽນບົດຮຽນ ກ່ຽວກັບການກໍ່ສ້າງພັກ-ພະນັກງານ, ການແກ້ໄຂຄວາມທຸກຍາກ ແລະ ດ້ານອື່ນໆກັບບັນດາແຂວງຂອງລາວ ໃຫ້ນັບມື້ນັບມີປະສິດທິຜົນຍິ່ງໆຂຶ້ນ, ເພື່ອນໍາເອົາໝາກຜົນຕົວຈິງມາສູ່ປະຊາຊົນສອງຊາດໃຫ້ນັບມື້ນັບຫຼາຍຂຶ້ນ.

 

ກົດໝາຍແຫ່ງ ສປປ ລາວ

ຊົມເຊີມວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 60 ປີ

ຊົມເຊີມວັນສ້າງຕັ້ງ ສປປ ລາວ ຄົບຮອບ 40 ປີ ຢ່າງສຸດໃຈ.

ປະທານ ໄກສອນ ພົມວິຫານ ຢືນຢົງໃນພາລະກິດປະຕິວັດຂອງພວກເຮົາຕະຫລອດໄປ

ກອງປະຊຸມໃຫຍ່ຜູ້ແທນທົ່ວປະເທດ ຂອງ ພັກປະຊາຊົນ ປະຕິວັດລາວ

ເຊື່ອມຕໍ່ເວບໄຊສ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624

ຈຳນວນຄົນອອນໄລ໌ທ

ມີ 130  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

819547
ມື້ນີ້ມື້ນີ້661
ມື້ວານນີ້ມື້ວານນີ້1535
ອາທິດນີ້ອາທິດນີ້4581
ເດືອນນີ້ເດືອນນີ້26043
ທັງໝົດທັງໝົດ819547