ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 63 ປີ ຢ່າງສຸດໃຈ.                                                                                                                                                                           ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ.                                                                                                                                                                               ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ.                                                                                                                                                                       ຊົມເຊີຍວັນສ້າງຕັ້ງ ສປປ ລາວ ຄົບຮອບ 43 ປີ.  

ຄະນະໂຄສະນາອົບຮົມສູນກາງພັກປະຊາຊົນປະຕິ

ຄະນະໂຄສະນາອົບຮົມສູນກາງພັກປະຊາຊົນ ປະຕິວັດລາວ, ສະມາຄົມມິດຕະພາບລາວ-ສປປ ເກົາຫລີ ຮ່ວມກັບ ສະຖານທູດເກົາຫລີ ຈັດພິທີປາຖະກະຖາ ເພື່ອສະເຫຼີມສະຫຼອງວັນສ້າງຕັ້ງ ສປປ ເກົາຫລີ ຄົບຮອບ 70 ປີ.

    ໃນວັນທີ 7 ກັນຍາ 2018 ຜ່ານມາ. ຄະນະໂຄສະນາອົບຮົມສູນກາງພັກປະຊາຊົນ ປະຕິວັດລາວ, ສະ ມາຄົມມິດ ຕະພາບລາວ

-ສປປ ເກົາຫລີ ຮ່ວມກັບ ສະຖານທູດເກົາຫລີ ຈັດພິທີປາຖະກະຖາ ເພື່ອສະ ເຫຼີມສະຫຼອງວັນສ້າງຕັ້ງ ສປປ ເກົາຫລີ ຄົບຮອບ 70 ປີ. ໂດຍເປັນກຽດເຂົ້າຮ່ວມຂອງ ທ່ານ ສຈ ປອ ກິແກ້ວ ໄຂຄໍາພິທູນ ຄະນະເລຂາທິການສູນກາງພັກເລຂາຄະນະພັກ ຫົວໜ້າຄະນະໂຄສະນາອົບຮົມສູນກາງພັກ, ທ່ານ ປອ. ຄໍາໝັ້ນ ຈັນທະລັງສີ ຮອງເລຂາຄະນະພັກ ຮອງຫົວໜ້າຄະນະໂຄສະ ນາອົບ ຮົມສູນກາງພັກ, ທ່ານ ປ້ານ ນ້ອຍມະນີ ກໍາມະການສູນກາງພັກ ປະ ທານສູນກາງສະຫະພັນກໍາມະບານລາວ ປະທານ ສະມາຄົມມິດຕະ ພາບລາວ-ສປປ ເກົາຫລີ, ທ່ານ ປອ. ນາງ ສູນທອນ ໄຊຍະຈັກ ກໍາມະການສູນກາງພັກ ຫົວໜ້າຄະນະພົວພັນຕ່າງປະເທດສູນກາງພັກ, ທ່ານ ລີ ຢົງ ຊົນ ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສປປ ເກົາຫລີ ປະຈໍາ ສປປ ລາວ, ເຂົ້າຮ່ວມມີ: ບັນດາຄະນະພັກ, ຄະນະນໍາຂອງບັນ ດາກະຊວງອົງການ, ຄະນະນໍາອົງການຈັດຕັ້ງມະຫາຊົນອ້ອມຂ້າງສູນກາງ, ມີບັນດາຫົວໜ້າພະແນກ, ຮອງພະແນກ, ພະນັກງານວິຊາການ ຂອງ ຄອສພ.

     ໃນພິທີດັ່ງກ່າວ ທ່ານ ລີ ຢົງ ຊົນ ໄດ້ໃຫ້ກຽດຂຶ້ນປາຖະກະຖາໂດຍຍົກໃຫ້ເຫັນບັນດາຜົນງານອັນໃຫຍ່ຫຼວງ, ຮອບດ້ານ ຂອງປະຊາຊົນ ສປປ ເກົາຫລີ ໃນຕະຫຼອດໄລຍະ 70 ປີ ແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດ ພາຍໃຕ້ການນໍາພາອັນສະຫຼາດສ່ອງໃສ, ເດັດດ່ຽວໜຽວແໜ້ນ ຂອງພັກແຮງງານເກົາຫລີ ທີ່ມີປະທານ ກິມ ອິນ ຊຸງ. ເຊິ່ງທ່ານ ເປັນຜູ້ນໍາທີ່ຍິ່ງໃຫຍ່ ຂອງປະຊາຊົນ ສປປ ເກົາຫລີ ແລະ ເປັນຜູ້ນໍາສູງສຸດທີ່ເປັນຜູ້ສືບທອດພາລະກິດຂອງການນໍາລຸ້ນກ່ອນ, ໄດ້ເຮັດໃຫ້ປະເທດ ສປປ ເກົາຫລີ ມີການພັດທະນາຢ່າງຮອບດ້ານ, ທາງດ້ານການ ເມືອງມີຄວາມສະຖຽນລະພາບໜັກແໜ້ນ, ເສດຖະກິດມີການຂະຫຍາຍຕົວຢ່າງຕໍ່ເນື່ອງ, ການປ້ອງກັນຊາດ ປ້ອງກັນຄວາມສະເຫງົບ ມີຄວາມເຂັ້ມແຂງ, ຊີວິດການເປັນຢູ່ຂອງປະຊາຊົນ ສປປ ເກົາຫລີ ໄດ້ຮັບການປັບປຸງດີຂຶ້ນເລື້ອຍໆ, ບົດບາດຂອງ ສປປ ເກົາຫລີ ໃນພາກພຶ້ນ ແລະ ສາກົນ ໄດ້ຮັບການເປີດກວ້າງ ໂດຍສະເພາະແມ່ນຄວາມພະຍາຍາມໃນການແກ້ໄຂສະພາບການໃນແຫຼມເກົາຫລີ ໃຫ້ມີບັນຍາ ກາດແຫ່ງສັນຕິພາບ, ມິດຕະພາບ ແລະ ສະຖຽນລະພາບ ເພື່ອກ້າວໄປເຖິງການທ້ອນໂຮມປະເທດຊາດ ໂດຍສັນຕິວິທີ. ພ້ອມນັ້ນ ທ່ານ ຍັງໄດ້ຕີລາຄາສູງຕໍ່ການພົວພັນມິດຕະພາບ ແລະ ການຮ່ວມມືທີ່ມີມູນເຊື້ອດີງາມ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ສປປ ລາວ- ສປປ ເກົາ ຫລີ ທີ່ໄດ້ຮັບການສ້າງຕັ້ງຂຶ້ນໂດຍ ປະທານ ກິມ ອິນ ຊຸງ ແລະ ປະທານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກ ຂອງປະຊາຊົນສອງຊາດ ແລະ ໄດ້ຮັບການເສີມຂະຫຍາຍມາໂດຍຕະຫຼອດ ໂດຍການນໍາລຸ້ນສືບທອດ ຂອງສອງປະ ເທດ, ທ່ານ ຍັງໄດ້ສະແດງຄວາມຂອບໃຈ ຢ່າງເລິກເຊິ່ງ ຕໍ່ການເຂົ້າຮ່ວມພິທີສະເຫຼີມສະຫຼອງ 70 ປີ ແຫ່ງການສະຖາ ປະນາ ສປປ ເກົາຫລີ ແລະ ການສະໜັບສະໜູນພາລະ ກິດປະຕິວັດ ຂອງ ປະຊາຊົນ ສປປ ເກົາຫລີ ຕະຫຼອດມາ ຕໍ່ຄະ ນະຜູ້ແທນຂັ້ນສູງ ຂອງພັກປະຊາຊົນ ປະຕິວັດລາວ ເຊິ່ງເປັນການໃຫ້ກໍລັງໃຈ ແລະ ເປັນການປຸກລະດົມໃຈອັນແຮງກ້າໃຫ້ແກ່ ສປປ ເກົາຫລີ.

     ໃນຕອນທ້າຍຂອງພິທີ ທ່ານ ປອ ຄໍາໝັ້ນ ຈັນທະລັງສີ ໄດ້ຂຶ້ນກ່າວຄໍາເຫັນ ແລະ ສະແດງຄວາມຂອບໃຈ, ຄໍາອວຍພອນຕໍ່ ປະຊາຊົນ ສປປ ເກົາຫລີ ເນື່ອງໃນໂອກາດວັນສະຖາປະນາ ສປປ ເກົາຫລີ ຄົບຮອບ 70 ປີ. ແລະ ຮັບຊົມການວາງສະແດງຮູບພາບ, ສາຍວິດີໂອ, ລາຍການສິລະ ປະຂອງ ສປປ ລາວ ແລະ ສປປ ເກົາຫລີ.

 

ກົດໝາຍແຫ່ງ ສປປ ລາວ

ຊົມເຊີມວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 60 ປີ

ຊົມເຊີມວັນສ້າງຕັ້ງ ສປປ ລາວ ຄົບຮອບ 40 ປີ ຢ່າງສຸດໃຈ.

ປະທານ ໄກສອນ ພົມວິຫານ ຢືນຢົງໃນພາລະກິດປະຕິວັດຂອງພວກເຮົາຕະຫລອດໄປ

ກອງປະຊຸມໃຫຍ່ຜູ້ແທນທົ່ວປະເທດ ຂອງ ພັກປະຊາຊົນ ປະຕິວັດລາວ

ເຊື່ອມຕໍ່ເວບໄຊສ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624

ຈຳນວນຄົນອອນໄລ໌ທ

ມີ 88  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

958891
ມື້ນີ້ມື້ນີ້782
ມື້ວານນີ້ມື້ວານນີ້1753
ອາທິດນີ້ອາທິດນີ້8642
ເດືອນນີ້ເດືອນນີ້22297
ທັງໝົດທັງໝົດ958891