ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 63 ປີ ຢ່າງສຸດໃຈ.                                                                                                                                                                           ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ.                                                                                                                                                                               ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ.                                                                                                                                                                       ຊົມເຊີຍວັນສ້າງຕັ້ງ ສປປ ລາວ ຄົບຮອບ 42ປີ.  

ພິທີປິດຊຸດຝຶກອົບຮົມການໂຄສະນາ ແລະ ການ..

ພິທີປິດຊຸດຝຶກອົບຮົມການໂຄສະນາ ແລະ ການນຳໃຊ້ເຕັກນິກໃໝ່ສື່ມວນຊົນ ສ ປປ ລາວ ປະຈຳປີ 2018 ທີ່ ເມືອງສາງຊາ ແຂວງ ຫູນານ ສປ ຈີນ.

          ໃນວັນທີ 14 ກັນຍາ 2018 ຜ່ານມາ, ໄດ້ມີພິທີປິດຊຸດຝຶກອົບຮົມການໂຄສະນາ ແລະ ການນຳໃຊ້ເຕັກນິກໃໝ່ສື່ມວນຊົນ ສປປ ລາວ ປະຈຳປີ 2018 ທີ່ເມືອງສາງຊາ ແຂວງຫູນານ ສປ ຈີນ, ທີ່ຈັດຂຶ້ນໃນລະ ຫວ່າງວັນທີ 26 ສິງຫາ-16 ກັນຍາ 2018.

ໂດຍພາຍໃຕ້ການເປັນປະທານຮ່ວມຂອງ ທ່ານ ປອ. ຄຳໝັ້ນ ຈັນທະລັງສີ ຮອງເລຂາຄະນະພັກ ຮອງຫົວໜ້າຄະນະໂຄສະນາອົບຮົມສູນກາງພັກ ປະຊາຊົນ ປະຕິວັດລາວ, ມີທ່ານລ້ຽວກວ່າງຮຸຍ ຫົວໜ້າຫ້ອງການກົດລະບຽບ ແລະ ພົວພັນການຄ້າສາກົນ ພະແນກການຄ້າແຂວງຫູນານ, ທ່ານ ເສິນ ປໍ່ ຜູ້ອຳນວຍການ ວິທະຍາໄລອາຊີວະສຶກສາການຄ້າຕ່າງປະເທດ ແຂວງຫູນານ, ທ່ານ ກົ່ງ ສູກວ່າງ ປະທານຄະນະ ກຸ່ມບໍລິສັດສື່ມວນຊົນສິ່ງພິມ ຈົ່ງນານ, ທ່ານ ກ່ານແສຫຼຽງ ທຽບເທົ່າຮອງຫົວໜ້າພະແນກການຄ້າແຂວງຫູນານ ພ້ອມດ້ວຍນັກສຳມະນາກອນຈຳນວນ 42 ທ່ານ ທີ່ມາຈາກຄະນະໂຄສະນາອົບ ຮົມສູນກາງພັກ, ຄະນະກວດກາສູນກາງພັກ, ຄະນະພົວພັນຕ່າງປະເທດສູນກາງພັກ, ຄະນະຈັດຕັ້ງສູນກາງພັກ, ສະຖາບັນການເມືອງ-ການປົກຄອງແຫ່ງຊາດ, ກະຊວງຖະແຫຼງຂ່າວ-ວັດທະນະທຳ ແລະ ທ່ອງທ່ຽວ, ກະ ຊວງສຶກສາທິການ ແລະ ກິລາ, ກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ, ກະຊວງໄປສະນີໂທລະຄົມມະນາຄົມ ແລະ ການສື່ສານ, ຄະນະໂຄສະນາອົບຮົມນະຄອນຫຼວງ, ໄຊຍະບູລີ, ຫຼວງພະບາງ, ຊຽງຂວາງ, ບໍລິຄຳໄຊ ແລະ ແຂວງວຽງຈັນ.

          ໃນພິທີ ທ່ານ ເສິນ ປໍ່ ໄດ້ຂຶ້ນຜ່ານບົດສະຫຼຸບ ຊຸດຝຶກອົບຮົມໂດຍຫຍໍ້, ເຊິ່ງທ່ານໄດ້ຍົກໃຫ້ເຫັນດ້ານດີ ແລະ ດ້ານຄົງຄ້າງທີ່ຈະຕ້ອງປັບປຸງໃນຄັ້ງຕໍ່ໄປ, ຊຸດຝຶກອົບຮົມໃນຄັ້ງນີ້ ​ເຖິງ​ຈະ​ເປັນຄັ້ງທຳ​ອິດ ​ແຕ່ນັກສຳມະນາກອນໄດ້ຮັບຟັງການບັນຍາຍຈາກອາຈານສອນທີ່ມີບົດຮຽນ ແລະ ປະສົບການຕົວຈິງໃນການເຮັດວຽກທາງດ້ານສື່ມວນຊົນ ທັງພາກລັດ ແລະ ເອກະຊົນ, ບັນດານັກສຳມະນາກອນໄດ້ເອົາໃຈໃສ່ ຕັ້ງໜ້າຮັບຟັງ, ເກັບກຳເອົາບົດຮຽນທີ່ອາຈານບັນຍາຍ ແລະ ແລກ ປ່ຽນບົດຮຽນເຊິ່ງກັນ ແລະ ກັນ. ນັກສຳມະນາກອນປະຕິບັດລະບຽບທີ່ທາງຄະນະຮັບຜິດຊອບວາງອອກໄດ້ດີ ແລະ ມີຄວາມສາມັກຄີຮັກແພງ ຊ່ວຍເຫຼືອເຊິ່ງກັນ ​ເຮັດ​ໃຫ້​ຊຸດ​ຝຶກ​ອົບຮົມ​ເຕັມ​ໄປ​ດ້ວຍ​ບັນ​ຍາ​ກາດ​ຟົດ​ຟື້ນ.

        ຫຼັງຈາກນັ້ນທ່ານ ປອ. ຄຳໝັ້ນ ຈັນທະລັງສີ ໄດ້ຕາງໜ້າຄະນະ​ໂຄສະນາ​ອົບຮົມ​ສູນ​ກາງ​ພັກ ແລະ ນັກສຳມະນາກອນທັງໝົດ ຂຶ້ນມີຄຳເຫັນສະແດງຄວາມຂອບໃຈ ຕໍ່ການນຳພັກ-ລັດ ຂອງ ສປ ຈີນ ເວົ້າລວມ, ເວົ້າສະເພາະແມ່ນພະແນກການຄ້າແຂວງຫູນານ, ວິທະຍາໄລອາຊີວະສຶກສາການຄ້າຕ່າງປະເທດແຂວງຫູນານ, ບໍ ລິສັດທຽນເຫວີນ ແລະ ພາກສ່ວນທີ່ກ່ຽວຂ້ອງ ພ້ອມທັງຕີລາສູງຕໍ່ຊຸດຝຶກອົບຮົມໃນຄັ້ງນີ້, ເຊິ່ງເຮັດໃຫ້ນັກສຳມະນາກອນໄດ້ຍົກລະດັບຄວາມຮູ້ ຄວາມສາມາດໃນການໂຄສະນາ ແລະ ນຳໃຊ້ເຕັກນິກໃໝ່ສື່ມວນຊົນ, ໄດ້ຮູ້ວັດທະນະທຳ ແລະ ວິຖີດຳລົງຊີວິດຂອງປະຊາຊົນຈີນ ແລະ ຮ່ອງຮອຍປະຫວັດສາດບາງແຫ່ງ ເພື່ອນຳເອົາຄວາມຮູ້ທີ່ໄດ້ຮັບຈາກຊຸດຝຶກອົບຮົມ ນຳໄປຈັດຕັ້ງຜັນຂະຫຍາຍ ພັດທະນາເຂົ້າໃນວຽກງານຂອງຕົນເອງ ກໍ່ຄືພັດທະນາວຽກງານສື່ມວນຊົນໃນ ສ ປປ ລາວ ໃຫ້ນັບມື້ພັດທະນາຂຶ້ນເລື້ອຍໆ.

ກົດໝາຍແຫ່ງ ສປປ ລາວ

ຊົມເຊີມວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 60 ປີ

ຊົມເຊີມວັນສ້າງຕັ້ງ ສປປ ລາວ ຄົບຮອບ 40 ປີ ຢ່າງສຸດໃຈ.

ປະທານ ໄກສອນ ພົມວິຫານ ຢືນຢົງໃນພາລະກິດປະຕິວັດຂອງພວກເຮົາຕະຫລອດໄປ

ກອງປະຊຸມໃຫຍ່ຜູ້ແທນທົ່ວປະເທດ ຂອງ ພັກປະຊາຊົນ ປະຕິວັດລາວ

ເຊື່ອມຕໍ່ເວບໄຊສ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624

ຈຳນວນຄົນອອນໄລ໌ທ

ມີ 95  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

866132
ມື້ນີ້ມື້ນີ້1510
ມື້ວານນີ້ມື້ວານນີ້2051
ອາທິດນີ້ອາທິດນີ້6540
ເດືອນນີ້ເດືອນນີ້30529
ທັງໝົດທັງໝົດ866132