ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ ຢ່າງສຸດໃຈ.                                                                                                                                                                           ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ.                                                                                                                                                                               ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ.                                                                                                                                                                       ຊົມເຊີຍວັນສ້າງຕັ້ງ ສປປ ລາວ ຄົບຮອບ 43 ປີ.  

ທ່ານ ສຈ ປອ ກິແກ້ວ ໄຂຄໍາພິທູນ ເລຂາທິການສູນກາງ...

ທ່ານ ສຈ ປອ ກິແກ້ວ ໄຂຄໍາພິທູນ ເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ຕ້ອນຮັບການເຂົ້າຢ້ຽມຂໍ່ານັບຂອງ ຄະນະຜູ້ແທນ ຄະນະໂຄສະນາສຶກສານະຄອນຫຼວງຮ່າໂນ້ຍ. 

      ໃນຕອນເຊົ້າຂອງວັນທີ 25 ມີນາ 2019 ຜ່ານມາ, ທ່ານ ສຈ ປອ ກິແກ້ວ ໄຂຄໍາພິທູນ ເລຂາທິ ການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ຕ້ອນຮັບການເຂົ້າຢ້ຽມຂໍ່ານັບ

ຂອງ ທ່ານ ຫງຽນວັນຟອງ ກຳມະການປະຈຳພັກ, ຫົວໜ້າຄະນະໂຄສະນາສຶກສາ ຄະນະພັກນະຄອນຫຼວງຮ່າໂນ້ຍ ພ້ອມດ້ວຍຄະນະ, ເນື່ອງໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ; ເຂົ້າຮ່ວມມີ: ຕາງໜ້າບັນດາຫົວໜ້າກົມທີ່ກ່ຽວຂ້ອງຂອງຄະນະໂຄສະນາອົບຮົມສູນກາງພັກ.

      ໃນໂອກາດດັ່ງກ່າວ ທ່ານ ສຈ ປອ ກິແກ້ວ ໄຂຄໍາພິທູນ ໄດ້ສະແດງຄວາມຍິນດີຕ້ອນຮັບຢ່າງອົບອຸ່ນຕໍ່ການເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ ຂອງທ່ານ ຫງຽນວັນຟອງ ກຳມະ ການປະຈຳພັກ ຫົວໜ້າຄະນະໂຄສະນາສຶກສາ ຄະນະພັກນະຄອນຫຼວງຮ່າໂນ້ຍ ພ້ອມດ້ວຍຄະນະ. ການພົບປະສອງຝ່າຍໃນຄັ້ງນີ້ ໄດ້ສະແດງໃຫ້ເຫັນເຖິງການຮັດແໜ້ນຄວາມສາມັກຄີທີ່ເປັນມູນເຊື້ອລະຫວ່າງສອງພັກ ສອງລັດ ແລະ ປະຊາຊົນສອງຊາດລາວ-ຫວຽດນາມ ເວົ້າລວມເວົ້າສະເພາະກໍແມ່ນ ການພົວພັນຮ່ວມມືລະຫວ່າງຄະນະໂຄສະນານະຄອນຫຼວງຮ່າໂນ້ຍ ແລະ ຄະນະໂຄສະນານະຄອນຫຼວງວຽງຈັນ ໃນໄລຍະຜ່ານມາກໍຄືໃນຕໍ່ໜ້າ ພ້ອມນັ້ນ ທ່ານ ສຈ ປອ ກິແກ້ວ ໄຂຄໍາພິທູນ ໄດ້ລາຍງານສະພາບການທີ່ພົ້ນເດັ່ນ ແລະ ຜົນງານການເຄື່ອນໄຫວໃນການຈັດຕັ້ງປະຕິບັດໜ້າທີ່ວຽກງານຂອງຄະນະໂຄສະນາອົບຮົມສູນກາງພັກສປປ ລາວ ແລະ ສະພາບພາຍໃນປະເທດໃນໄລຍະຜ່ານມາໃຫ້ ທ່ານ ຫງຽນວັນຟອງ ຊາບວ່າ: ໃນໄລຍະຜ່ານມາປະຕິບັດຕາມທິດຊີ້ນໍາຂອງ ກົມການເມືອງສູນກາງພັກ ໃນການຈັດຕັ້ງກອງປະຊຸມຜັນຂະຫຍາຍມະຕິ 7 ສະໄໝທີ 10 ຂອງພັກໃຫ້ເຂົ້າສູ່ຊີວິດຕົວຈິງ ເຊິ່ງໃນນັ້ນກອງປະຊຸມໄດ້ລົງເລິກ 2 ບັນຫາຄຶື: 1. ມະຕິວ່າດ້ວຍການພີ່ມທະວີການນໍາພາແກ້ໄຂຄວາມຫຍຸ້ງ ຍາກດ້ານເສດຖະກິດ - ການເງິນ ແລະ ສ້າງຄວາມເຂັ້ມແຂງຂອງການຄຸ້ມຄອງມະຫາພາກ, 2. ມະຕິວ່າດ້ວຍການປັບປຸງຮາກຖານການເມືອງ ຂອງລະບອບປະຊາທິປະໄຕ ປະຊາຊົນ ໃຫ້ມີຄວາມເຂັ້ມແຂງ ແລະ ໜັກແໜ້ນ ເຊິ່ງເປັນມະຕິທີ່ສໍາຄັນອັນໜຶ່ງໃນການຍູ້ແຮງເຂົ້າໃນການຈັດຕັ້ງຜັນຂະຫຍາຍແຕ່ສູນກາງລົງຮອດທ້ອງຖິ່ນ ແລະ ຮາກ ຖານ ເພື່ອເຊື່ອມຊຶມກໍາແໜ້ນເນື້ອໃນຈິດໃຈມະຕິ 7 ສະໄໜທີ 10 ຂອງພັກ ນໍາໄປຈັດຕັ້ງປະຕິບັດລົງເລິກໃນຂົງເຂດ, ຂະແໜງການຂອງຕົນຮັບຜິດຊອບໃຫ້ປະກົດຜົນເປັນຈິງ ທັງຮັບປະກັນປະສິດທິຜົນສູງສຸດ ແລະ ການກະກຽມກອງປະຊຸມໃຫຍ່ຄັ້ງທີ 11ຂອງພັກ ພ້ອມນັ້ນຍັງໄດ້ຕີລາຄາການປະຕິບັດມະຕິກອງປະຊຸມໃຫຍ່ຄັ້ງທີ 10 ຂອງພັກ ເພື່ອປັບປຸງໃຫ້ສອດຄ່ອງ ແລະ ແທດເໝາະກັບຕົວຈິງ; ນອກນັ້ນ ທ່ານ ສຈ ປອ ກິແກ້ວ ໄຂຄໍາພິທູນ ຍັງໄດ້ສະແດງຄວາມເຫັນດີນໍາ ສະ ຫາຍ ຫງຽນວັນຟອງ ໃນການລາຍງານການເຄື່ອນໄຫວ ແລະ ພົວພັນຮ່ວມມືຂອງສອງຝ່າຍ ລະຫວ່າງຄະນະໂຄສະນາສຶກສານະຄອນຫຼວງຮ່າໂນ້ຍ ແລະ ຄະນະໂຄສະນາອົບຮົມນະຄອນຫຼວງວຽງຈັນ ໃນໄລຍະຜ່ານມາ ເວົ້າລວມ ເວົ້າສະເພາະ ແມ່ນເພື່ອເປັນການຮັດແໜ້ນການພົວພັນຮ່ວມມື ແລະ ສືບຕໍ່ເສີມຂະຫຍາຍມູນເຊື້ອຄວາມສາມັກຄີ, ແລກປ່ຽນບົດ ຮຽນເຊິ່ງກັນ ແລະ ກັນ ຂອງສອງພັກ ສອງລັດ ປະຊາຊົນສອງຊາດ ກໍຄື ຄະນະໂຄສະນາສຶກສາ ສສ ຫວຽດນາມ ແລະ ຄະນະໂຄສະນາອົບຮົມ ສປປ ລາວ ໃຫ້ມີຄວາມແໜ້ນແຟ້ນຍິ່ງໆຂຶ້ນ, ພ້ອມທັງອວຍພອນໃຫ້ ທ່ານ ຫງຽນວັນຟອງ ພ້ອມດ້ວຍຄະນະ ຈົ່ງປະສົບຜົນສໍາເລັດຢ່າງຈົບງາມໃນການເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້.

ກົດໝາຍແຫ່ງ ສປປ ລາວ

ຄໍາເຫັນຂອງ ທ່ານ ສຈ.ດຣ ກິແກ້ວ ໄຂຄຳພິທູນ ຫົວໜ້າ ຄອສພ ຕໍ່ເວັບໄຊສ

ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ

ຊົມເຊີມວັນສ້າງຕັ້ງ ສປປ ລາວ ຄົບຮອບ 43 ປີ ຢ່າງສຸດໃຈ.

ປະທານ ໄກສອນ ພົມວິຫານ ຢືນຢົງໃນພາລະກິດປະຕິວັດຂອງພວກເຮົາຕະຫລອດໄປ

ກອງປະຊຸມໃຫຍ່ຜູ້ແທນທົ່ວປະເທດ ຂອງ ພັກປະຊາຊົນ ປະຕິວັດລາວ

ເຊື່ອມຕໍ່ເວັບໄຊສ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624

ຈຳນວນຄົນອອນໄລ໌ທ

ມີ 29  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

1193755
ມື້ນີ້ມື້ນີ້945
ມື້ວານນີ້ມື້ວານນີ້1058
ອາທິດນີ້ອາທິດນີ້1786
ເດືອນນີ້ເດືອນນີ້34007
ທັງໝົດທັງໝົດ1193755