ກົມ​ຂໍ້​ມູນ​ຂ່າວສານ ຄະນະ​ໂຄສະນາ​ອົບຮົມ​ສູນ​​..

ລາຍລະອຽດ

ສ້າງຂື້ນເມື່ອ ວັນຈັນ, 09 ກໍລະກົດ 2018 08:44

ກົມ​ຂໍ້​ມູນ​ຂ່າວສານ ຄະນະ​ໂຄສະນາ​ອົບຮົມ​ສູນ​ກາງ​ພັກ ລົງ​ເຄື່ອນ​ໄຫວ​ວຽກງານ​ເວັບ​ໄຊ​ສ ຢູ່​ແຂວງ​ເຊກອງ

     ໃນວັນທີ 18-22 ມີຖຸນາ 2018 ຜ່ານມາ, ກົມຂໍ້ມູນຂ່າວສານ ຄະນະໂຄສະນາອົບຮົມສູນກາງພັກ ໄດ້ລົງເຄື່ອນໄຫວຝຶກອົບຮົມວຽກງານ ເວັບໄຊສໃຫ້ ຄະນະໂຄສະນາອົບຮົມແຂວງເຊກອງ ເຊິ່ງນຳໂດຍ ທ່ານ ໂດຍ ດວງມີໄຊ ຫົວໜ້າກົມຂໍ້ມູນຂ່າວສານ ຄອສພ ພ້ອມດ້ວຍທີມງານ.

    ຈຸດປະສົງໃນການລົງໄປຝຶກອົບຮົມວຽກງານເວັບໄຊສໃນຄັ້ງນີ້ ເພື່ອຍົກລະດັບຄວາມຮູ້ຄວາມສາມາດ ທາງດ້ານການນຳໃຊ້ ແລະ ຄຸ້ມຄອງເວັບໄຊສ ໃຫ້ແກ່ພະນັກງານໂຄສະນາອົບຮົມແຕ່ລະແຂວງ ໄດ້ຮັບຮູ້ເຂົ້າໃຈ​ ກ່ຽວກັບ​ການປ້ອນ​​ເນື້ອໃນ, ຮູບ​ພາບ ​ແລະ ວີ​ດີ​ໂອຂຶ້ນໜ້າ​ເວັບ​ໄຊ​ສ ​ແລະ ການ​ແກ້​ໄຂ​ໂມ​ດູ​ນ, ​ເມ​ນູຕ່າງໆ​ເທິງໜ​ເວັບ​ໄຊ​ສ ​​ເພື່ອ​ໃຫ້​ພະນັກງານ​ຜູ້​ຮັບ​ພິຊອບ​ວຽກງານ​ດັ່ງກ່າວ ​ໄດ້ນໍາເອົາຄວາມຮູ້ ຄວາມສາມາດ ທີ່ຮຽນມານັ້ນນໍາໄປຈັດຕັ້ງປະຕິບັດ, ຄຸ້ມຄອງ ແລະ ນໍາໃຊ້ເວັບໄຊສ ເຂົ້າໃນການເຄື່ອນໄຫວວຽກງານຂອງໂຄສະນາອົບຮົມແຂວງ  ໃຫ້ມີໃບໜ້າໃໝ່ ​ແລະ ມີ​ປະສິດທິ​ຜົນສູງ​ຂື້ນ​ເລືອ​ຍໆ.

          ​ໃນ​ໂອກາ​ດດັ່ງກ່າວ ​ທີ​ມງານ​ທີ່​ລົງ​ໄປເຮັດວຽກກໍ່​ໄດ້​ມອບເງິນ ສົມທົບ​ໃຫ້​ຄະນະ​ໂຄສະນາ​ອົບຮົມ​ແຂວງ ຈຳນວນ 3.000.000 ກີບ ​ເພື່ອ​ໝູນໃຊ້ເຂົ້າໃນການພັດທະນາເວັບໄຊສຂອງແຂວງ ​ໃຫ້​ມີ​ຄວາມ​ສະດວກ ​ແລ​ະ ທັນ​ສະ​ໄໝຂຶ້ນ​ເປັນ​ກ້າວໆ.

• < ຕໍ່ໄປ
• ຕໍ່ໄປ >