ພິທີເປີດຊຸດຝຶກອົບຮົມຄວາມຮູ້ພື້ນຖານວຽກງານໄອທີ...

ລາຍລະອຽດ

ສ້າງຂື້ນເມື່ອ ວັນຈັນ, 07 ຕຸລາ 2019 02:50

ຂຽນໂດຍ ຄອນສະຫວັນ

ພິທີເປີດຊຸດຝຶກອົບຮົມຄວາມຮູ້ພື້ນຖານວຽກງານໄອທີປະຈຳປີ2019ໃຫ້ແກ່ພະນັກງານພາຍໃນຄະນະໂຄສະນາອົບຮົມສູນກາງພັກ

    ກົມຂໍ້ມູນຂ່າວສານ ຄະນະໂຄສະນາອົບຮົມສູນກາງພັກໄດ້ເປີດຊຸດຝຶກອົບຮົມຄວາມຮູ້ພື້ນຖານວຽກງານໄອທີໃຫ້ແກ່ພະນັກງານບັນດາກົມຢູ່ພາຍໃນຄອສພ

ເປັນເວລາ 5 ວັນລະຫວ່າງວັນທີ 23 -27 ກັນຍາ 2019 ທີ່ຜ່ານມາ.ໃຫ້ກຽດເປັນປະທານກ່າວເປີດພິທີໂດຍ ທ່ານ ວັນຕຸລາ ຣັກນຸດ ວ່າການຫົວໜ້າກົມຂໍ້ມູນຂ່າວສານ, ເຂົ້າຮ່ວມ​ມີ: ຄະນະຮັບຜິດຊອບຝຶກອົບຮົມ ແລະ ພະນັກງານວິຊາການຈາກບັນດາກົມອ້ອມຂ້າງຄະນະໂຄສະນາອົບຮົມສູນກາງພັກຈຳນວນ 16 ສະຫາຍ, ຍິງ 11 ສະຫາຍ.

ຈຸດປະສົງ​ໃນ​ການ​ເປີດ​ຊຸດ​ອົບຮົມ​ຄັ້ງນີ້ ​ແມ່ນ​ເພື່ອ​​ຍົກ​ລະດັບ​ຄວາມ​ຮູ້​, ຄວາມ​ສາມາດ​ໃຫ້​ພະນັກງານ​ວິຊາ​ການ​ພາຍໃນ ຄອສພ ກ່ຽວກັບ​ວຽກງານຂໍ້ມູນຂ່າວສານໃຫ້ນັບມື້ນັບສູງ, ເອກະສານທີ່ນຳມາຝຶກອົບຮົມໃນຄັ້ງນີ້ປະກອບມີ 7 ບົດຄື:

1. ຄວາມຮູ້ພື້ນຖານກ່ຽວກັບການສື່ສານຂໍ້ມູນ
2. ການຮຽນຮູ້ກ່ຽວກັບຮາດແວ(Hardware)
3. ພື້ນຖານການບຳລຸງຮັກສາລະບົບຄອມພິວເຕີ
4. ການນຳໃຊ້ໂປຣແກຣມ Lao Antivirus, ການແກ້ໄຂໄວຣັດ ແລະ ການປ່ຽນຟອນເອກະສານ
5. ການນຳໃຊ້ Google drive
6. ການເກັບໄຟລ, ຂໍ້ມູນຕ່າງໆໄວ້ແຜ່ນ CD, DVD ດ້ວຍໂປຣແກຣມ Nero Express8
7. ການນຳໃຊ້ Microsoft Office word, Excel ແລະ Power point

    ການຝຶກອົບຮົມໄດ້ດຳເນີນໄປເປັນເວລາ 5 ວັນຈຶ່ງປິດລົງ. ໃນພິທີປິດຊຸດຝຶກອົບຮົມຄະນະຮັບຜິດຊອບບັ້ນຝຶກອົບຮົມໄດ້ຂື້ນສະຫລຸບລາຍງານຈຸດດີ-ຈຸດອ່ອນ ແລະ ບົດຮຽນທີ່ຖອດຖອນໄດ້ເພື່ອສືບຕໍ່ປັບປຸງແກ້ໄຂໃນຕໍ່ໜ້າ ໃນຕອນທ້າຍ ທ່ານ ທ່ານ ວັນຕຸລາ ຣັກນຸດ ວ່າການຫົວໜ້າກົມຂໍ້ມູນຂ່າວສານໄດ້ມີຄຳເຫັນໂອ້ລົມຕໍ່ຊຸດຝຶກອົບຮົມໃນຄັ້ງນີ້ເຊິ່ງໄດ້ຮຽກຮ້ອງເຖີງນັກຝຶກອົບຮົມທີ່ເຂົ້າຮ່ວມຝຶກອົມຮົມຄັ້ງນີ້ຕ້ອງໄດ້ຍາດແຍ່ງເວລາ ແລະ ເອົາໃຈໃສ່ຮຽນຮູ້ເອົາສິ່ງໃໝ່ໆກ່ຽວກັບວຽກງານໄອທີເພື່ອນຳໄປໝູນໃຊ້ເຂົ້າວຽກງານຂອງຕົນແນ່ໃສ່ຍົກສູງການປະຕິບັດໜ້າທີ່ວຽກງານຂອງຕົນໃຫ້ມີຄວາມວ່ອງໄວທັນກັບຄວາມຮຽກຮ້ອງຕ້ອງການຂອງໜ້າທີ່ວຽກງານໃນຍຸກປັດຈຸບັນ ຫຼື ຍຸກ 4,0.

• < ຕໍ່ໄປ
• ຕໍ່ໄປ >