ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 63 ປີ ຢ່າງສຸດໃຈ.                                                                                                                                                                           ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ.                                                                                                                                                                               ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ.                                                                                                                                                                       ຊົມເຊີຍວັນສ້າງຕັ້ງ ສປປ ລາວ ຄົບຮອບ 42ປີ.  

ຄະນະ​ໂຄສະນາ​ອົບຮົມ​ແຂວງ​ຫົວພັນ​ສໍາ​ເລັດ​ການ.

ຄະນະ​ໂຄສະນາ​ອົບຮົມ​ແຂວງ​ຫົວພັນ​ສໍາ​ເລັດ​ການ​ຝຶກ​ອົບຮົມ​ວຽກງານ​ສັງ​ລວມ-ຫາງ​ສຽງສັງຄົມ.

ໃນ​ວັນ​ທີ 26 – 28 ມີ​ຖຸນາ 2018 ຜ່ານ​ມາ​ນີ້, ຄະນະ​ໂຄສະນາ​ອົບຮົມ​ສູນ​ກາງ​ພັກ​ໄດ້​ປະສານ​ສົມທົບ​ກັບ​ຄະນະ​ໂຄສະນາ​ອົບຮົມ​ແຂວງ​ຫົວພັນ ​ເປີດ​ຊຸດ​ອົບຮົມ​ວຽກງານສັງ​ລວມ-​ເກັບ​ກໍາ​ຫາງ​ສຽງສັງຄົມ ຢູ່​ທີ່​ຫ້ອງ​ປະຊຸມ​ໃຫ່ຍ​ຊັ້ນ 5 ​ຫ້ອງ​ວ່າການ​ປົກຄອງ​ແຂວງຫົວພັນ ພາຍ​ໃຕ້​ການ​​ເປັນ​ປະທານ​ຂອງ ທ່ານ ຄໍາ​ຜີວ ວົງ​ສະຫວັນ ຮອງ​ເລຂາ​ພັກ​ແຂວງ ປະທານ​ແນວ​ລາວ​ສ້າງ​ຊາດ​ແຂວງ ຜູ້​ຊີ້​ນໍາ​ອົງການ​ຈັດ​ຕັ້ງ​ມະຫາຊົນ​ຂັ້ນ​ແຂວງ, ​ເປັນກຽດ​ເຂົ້າ​ຮ່ວມ​ກອງ​ປະຊຸມ​ຍັງ​ມີ​ທ່ານ​ ບຸນ​ມີ ພອນ​ລາສີ ຮອງ​ຫົວໜ້າກົມ​ສັງ​ລວມຄະນະ​ໂຄສະນາ​ອົບຮົມ​ສູນ​ກາງ​ພັກ ພ້ອມ​ດ້ວຍ​ທີ​ມງານ​ຊຸດ​ຝຶກ​ອົບຮົມ, ນັກ​ສໍາ​ມະ​ນາກ​ອນຈາກ​ພະ​ແນ​ກການ​ອ້ອມ​ຂ້າງ​ແຂວງ ​ແລະ ​ໂຄສະນາ​ອົບຮົມ​ເມືອງ​ຊໍາ​ເໜືອ​ເຂົ້າ​ຮ່ວມ​ທັງໝົດ 90 ກ່ວາ​ທ່ານ, ຍິງ 35 ທ່ານ. ​ເຊີ່ງ​ພິທີ​ດັ່ງກ່າວ​ໄດ້​ເປີດ​ຂຶ້ນ​ຢ່າງ​ເປັນ​ທາງ​ການ​ໃນ​ເວລາ 8 ​ໂມງ 00 ຂອງ​ວັນທີ 26 ມີ​ຖຸນາ 2018.

ການ​ຝຶກ​ອົບຮົມ​ຄັ້ງ​ນີ້ນັກ​ສໍາ​ມະ​ນາກ​ອນ​ໄດ້ຮັບ​ຟັງ​ ຄໍາ​ສັ່ງເລກທີ 04/ຄລສພ, ລົງ​ວັນ​ທີ 10 ກໍລະກົດ 2017 ວ່າ​ດ້ວຍ​ການ​ເພີ່ມ​ທະວີ​ວຽກງານ​ຕິດຕາມ, ​ເກັບ​ກໍາ​ສະພາບ​ແນວ​ຄິດ - ຫາງ​ສຽງສັງຄົມ ​ໃນ​ໄລຍະ​ໃໝ່; ຄໍາ​ແນະ​ນໍາ​ເລກທີ 08/ຄອສພ, ລົງ​ວັນ​ທີ 31 ກໍລະກົດ 2017 ກ່ຽວກັບການຈັດ​ຕັ້ງ​ປະຕິບັດ​ຄໍາ​ສັ່ງ ສະບັບ​ທີ 04/ຄລສພວ່າ​ດ້ວຍ​ການ​ເພີ່ມ​ທະວີ​ວຽກງານ​ຕິດຕາມ, ​ເກັບ​ກໍາ​ສະພາບ​ແນວ​ຄິດ - ຫາງ​ສຽງສັງຄົມ ​ໃນ​ໄລຍະ​ໃໝ່ ​ແລະ ຂໍ້​ກໍານົດ​ເລກທີ 133/ຄອສພ, ລົງ​ວັນ​ທີ 16 ພຶດສະພາ 2018 ວ່າ​ດ້ວຍ​ການຈັດ​ຕັ້ງ ​ແລະ ການ​ເຄື່ອນ​ໄຫວ​ຂອງ​ເພື່ອນ​ຮ່ວມ​ງານ ​ເກັບ​ກໍາ​ຫາງ​ສຽງສັງຄົມ ​ແລະ ​ໄດ້​ຮັບ​ຟັງການ​ອະທິບາຍວຽກງານສັງ​ລວມ-​ເກັບ​ກໍາ​ຫາງ​ສຽງສັງຄົມມີ 4 ບົດ​ຄື: ບົດ​ທີ 1 ບັນຫາ​ພື້ນຖານ​ກ່ຽວກັບ​ວຽກງານ​ຫາງ​ສຽງສັງຄົມ, ບົດ​ທີ 2 ວິທີ​ການ​ເກັບ​ກໍາ ​ແລະ ການ​ນໍາ​ໃຊ້​ຫາງ​ສຽງສັງຄົມ​ເຂົ້າ​ໃນ​ວຽກງານ​ການ​ເມືອງ - ​ແນວ​ຄິດ, ບົດ​ທີ 3 ຕາໜ່າງ​ເພືອນຮ່ວມ​ງານ ​ແລະ ບົດ​ທີ 4 ວຽກງານ​ຄົ້ນ​ຄ້ວາ​ສັງ​ລວມ.

 ​ການ​ຝຶກ​ອົບຮົມ​ຄັ້ງ​ນີ້ ​​ແມ່ນ​ເພື່ອ​ຈັດ​ຕັ້ງ​ຜັນ​ຂະຫຍາຍ​ແຜນ​ດໍາ​ເນີນ​ງານ ​ແລະ ​ໂຄງການ​ຈຸດ​ສຸມ​ຂອງ​ວຽກງານ​ໂຄສະນາ​ອົບຮົມ​ເຂົ້າ​ສູ່​ຊີວິດ​ຕົວ​ຈິງ ​ແລະ ​ຝຶກ​ອົບຮົມ​ເປົ້າໝາຍຕ່າງໆ. ​ເວົ້າ​ລວມ​ເວົ້າ​ສະ​ເພາະ​ແມ່ນ​ພະນັກງານ​ຜູ້​ທີ່​ເຮັດ​ວຽກງານ​ເກັບ​ກໍາ​ສະພາບ​ແນວ​ຄິດ - ຫາງ​ສຽງສັງຄົມ​ໃຫ້​ຮັບ​ຮູ້ ​ແລະ ​ເຂົ້າ​ໃຈກ່ຽວກັບ​ວຽກງານ​ຫາງ​ສຽງສັງ​ຄົມ, ພົ້ນ​ພື້ນຖານ​ຄວາມ​ຮັບ​ຮູ້​ດັ່ງກ່າວ​ເຮັດ​ໃຫ້​ພະນັກງານ​ທີ່​ເຮັດ​ວຽກງານ​ເກັບ​ກໍາ​ສະພາບ​ແນວ​ຄິດ - ຫາງ​ສຽງສັງຄົມ​ເສີມ​ຂະຫຍາຍ​ຄວາມ​ຮູ້, ຄວາມ​ສາມາດ ​ແລະ ປະສົບ​ການ​ໃນ​ການ​ປະຕິບັດໜ້າທີ່​ວຽກງານ​ໃຫ້​ມີ​ປະສິດທິ​ຜົນ ​ແລະ ສາມາດ​ປະ​ເມີນ​ຄວາມ​ຮັບ​ຮູ້, ​ຄວາມ​ເຂົ້າ​ໃຈ​ຂອງ​ນັກ​ສໍາ​ມະ​ນາກ​ອນຈາກ​ແບບ​ພອມປະ​ເມີນ​ໄດ້ 96%.

ໃນ​ຕອນ​ທ້າ​ຍການ​ຝຶກ​ອົບຮົມ​ທ່ານ ຄໍາ​ຜີວ ວົງ​ສະຫວັນ ຮອງ​ເລຂາ​ພັກ​ແຂວງ ປະທານ​ແນວ​ລາວ​ສ້າງ​ຊາດ​ແຂວງ ຜູ້​ຊີ້​ນໍາ​ອົງການ​ຈັດ​ຕັ້ງ​ມະຫາຊົນ​ຂັ້ນ​ແຂວງ ​ໄດ້​ໃຫ້ກຽດມອບ​ໃບ​ຢັ້ງຢືນ​ໃຫ້​ນັກ​ສໍາ​ມະ​ນາກ​ອນ ​ແລະ ​ໂອ້​ລົມຕໍ່​ພິທີ​ຝຶກ​ອົບຮົມ​ເຊີງ​ທ່ານ​ໄດ້​ເໜັ້ນ​ໜັກເຖີງຄວາມໝາຍສໍາຄັນ​ຂອງ​ວຽກງານ​ດັ່ງກ່າວ​ ​ແລະ ຮຽກຮ້ອງ​ໃຫ້​ບັນດາ​ນັກ​ສໍາ​ມະ​ນາກ​ອນທີ່​ເຂົ້າ​ຝຶກ​ອົບຮົມ​ໃນ​ຄັ້ງ​ນີ້ ​ເພື່ອ​ສືບ​ຕໍ່​ນໍາ​ເອົາ​ຄວາມ​ຮູ້ ​ແລະ ປະສົບ​ການ​ທີ່​ໄດ້​ຮຽນມາ​ໄປ​ນໍາ​ໃຊ້​ເຂົ້າ​ໃນ​ວຽກງານ​ຕົວ​ຈິງ​ຂອງ​ແຕ່ລະພະ​ແນ​ກການ​ຂອງ​ຕົນ​ໃຫ້​ເກີດ​ດອກ​ອອກ​ຜົນ. ການ​ຝຶກ​ອົບຮົມ​ຄັ້ງ​ນີ້​ໄດ້​ດໍາ​ເນີນ​ມາ​ເປັນ​ເວລາ 2 ວັນ​​ເຄິ່ງ ​ແລະ​ ໄດ້​ປິດ​ລົງ​ຢ່າງ​ເປັນ​ທາງ​ໃນ​ເວລາ 11 ​ໂມງ 30 ຂອງ​ວັນ​ທີ 28 ມີ​ຖຸນາ 2018.

ກົດໝາຍແຫ່ງ ສປປ ລາວ

ຊົມເຊີມວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 60 ປີ

ຊົມເຊີມວັນສ້າງຕັ້ງ ສປປ ລາວ ຄົບຮອບ 40 ປີ ຢ່າງສຸດໃຈ.

ປະທານ ໄກສອນ ພົມວິຫານ ຢືນຢົງໃນພາລະກິດປະຕິວັດຂອງພວກເຮົາຕະຫລອດໄປ

ກອງປະຊຸມໃຫຍ່ຜູ້ແທນທົ່ວປະເທດ ຂອງ ພັກປະຊາຊົນ ປະຕິວັດລາວ

ເຊື່ອມຕໍ່ເວບໄຊສ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624

ຈຳນວນຄົນອອນໄລ໌ທ

ມີ 129  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

819547
ມື້ນີ້ມື້ນີ້661
ມື້ວານນີ້ມື້ວານນີ້1535
ອາທິດນີ້ອາທິດນີ້4581
ເດືອນນີ້ເດືອນນີ້26043
ທັງໝົດທັງໝົດ819547