ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ ຢ່າງສຸດໃຈ.                                                                                                                                                                           ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ.                                                                                                                                                                               ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ.                                                                                                                                                                       ຊົມເຊີຍວັນສ້າງຕັ້ງ ສປປ ລາວ ຄົບຮອບ 43 ປີ.  

ຄະນະ​ໂຄສະນາ​ອົບຮົມ​ເມືອງ​ວຽງ​ຄຳ ​ເປີດກອງ​ປະຊຸມ​ສະຫຼຸບ​ວຽກ​ງານ​ໂຄສະນາ​ອົບຮົມ ປະຈຳ​ປີ 2018.

 

​                 

ຄະນະ​ໂຄສະນາ​ອົບຮົມ​ເມືອງ​ວຽງ​ຄຳ ​ເປີດກອງ​ປະຊຸມ​ສະຫຼຸບ​ວຽກ​ງານ​ໂຄສະນາ​ອົບຮົມ ປະຈຳ​ປີ 2018.

    ໃນ​ຕອນ​ເຊົ້າ​ຂອງ​ວັນ​ທີ 09 ພຶດສະພາ 2019 ຜ່ານ​ມາ, ຄະນະໂຄສະນາອົບຮົມເມືອງ ວຽງຄໍາ ໄດ້ເປີດກອງປະຊຸມສະຫຼຸບວຽກງານໂຄສະນາອົບຮົມ ປະຈໍາປີ 2018 ຂຶ້ນທີ່ ​ສະ​ໂມ​ສອນ​ໃຫຍ່​ຂອງ​ເມືອງ​ ວຽງ​ຄຳ ພາຍ​ໃຕ້​ການ​ເປັນ​ປະທານຮ່ວມ​ຂອງ ສະຫາຍ ຄຳ​ຫຼ້າ ລຽນ​ປະດິດ ກຳມະການ​ປະຈຳ​ພັກ​ແຂວງ ຫົວໜ້າ​ຄະນະ​ໂຄ ສະນາ​ອົບຮົມ​ແຂວງ ແລະ ​ສະຫາຍ ຊາຍ​ພອຍ ຈັນ​ທຸມມາ ຮັກສາ​ການ​ເລຂາ​ພັກ​ເມືອງ ​ເຈົ້າ​ເມືອງ​ວຽງ​ຄຳ, ເຂົ້າຮ່ວມມີ: ຄະນະ​ປະຈຳ​ພັກ​ເມືອງ, ກຳມະການ​ພັກ​ເມືອງ, ຫົວໜ້າ-ຮອງ​ຫົວໜ້າ​ຫ້ອງການອົງ​ການທຽບ​ເທົ່າ​, ກົມ​ກອງ​ທະຫານ-​ຕຳຫຼວດ, ສະມາຊິກ​ພັກ-​ພະນັກງານ ​ແລະ ​ ຄະນະ​ໂຄສະ ນາ​ອົບຮົມ​ເມືອງ 4 ​ເມືອງອ້ອມ​ຂ້າງ​ແຂວງ ເຂົ້າ​ຮ່ວມທັງ​ໝົດ 74 ສະຫາຍ, ຍິງ 08 ສະຫາຍ.

    ໃນພິທີ ສະຫາຍ ນາງ ບຸນ​ເລື່ອນ ​ແກ້ວ​ດວງ​ຈິດ ກຳມະການ​ພັກ​ເມືອງ ຫົວໜ້າ​ຄະນະ​ໂຄສະນາ​ອົບ ຮົມ​ເມືອງ ໄດ້ຂຶ້ນຜ່ານບົດສະຫຼຸບວຽກ​ງານ​ໂຄສະນາ​ອົບຮົມປະຈຳ​ປີ 2018, ​ສະເໜີໂຄງການ​ດຳ​ເນີນ​ງານ 2019-2024 ​ແລະ ທິດທາງວຽກງານ​ຈຸດ​ສຸມ ປະຈຳ​ປີ 2019; ເຊິ່ງໄດ້ສ່ອງແສງເຖິງການຊີ້ນຳ-ນໍາພາລວມທຸກວຽກງານພາຍ​ໃນ​ຄະນະ​ໂຄສະນາ​ອົບຮົມ​ເມືອງ. ໃນນັ້ນ, ມີທັງດ້ານຕັ້ງໜ້າທີ່ຕ້ອງເສີມຂະ ຫຍາຍ ແລະ ມີດ້ານຫຍໍ້ທໍ້ຈຳນວນໜຶ່ງທີ່ຕ້ອງຮີບຮ້ອນແກ້ໄຂໃຫ້ທັນກັບສະພາບ; ເວົ້າລວມ ເວົ້າສະເພາະ ແມ່ນການຈັດຕັ້ງປະຕິບັດມະຕິ X ຂອງພັກ; ມະຕິ VII ຂອງ ອົງຄະນະພັກແຂວງ ແລະ ມະຕິXI ຂອງ​ອົງຄະ​ນະ​ພັກ​ເມືອງ ແລະ ບັນດາ​ມະຕິຄຳ​ສັ່ງ, ຂໍ້​ກຳນົດ, ກົດ​ລະບຽບ​ຂອງ​ສູນ​ກາງ​ພັກ, ຂອງ​ຄະນະ​ປະຈຳ​ພັກ​ແຂວງ ກໍ​ຄືນິຕິ​ກຳ​ອື່ນໆຂອງ​ເມືອງ. ​ໂດຍ​ຕິດ​ພັນ​ກັບ​ວຽກ​ງານ​ຈຸດ​ສຸມ​ປະຈຳ​ປີ 2019 ​ແລະ ​ໂຄງການ​ດຳ​ເນີນ​ງານປີ 2019-2024​ ເພື່ອເປັນບ່ອນອີງ​ໃນ​ການ​ເຄື່ອນ​ໄຫວ​ຈັດ​ຕັ້ງ​ປະຕິບັດ; ພາລະ​ບົດບາດ, ສິດ ​ແລະ ໜ້າ​ທີ່​ຂອງ​ ຄະນະ​ໂຄສະນາ​ອົບຮົມ​ເມືອງໃຫ້​ສອດຄ່ອງ​ກັບ​ສະພາບ​ຕົວ​ຈິງ​ໃນເງື່ອນໄຂໃໝ່ ແລະ ​ການ​ຜັນ​ຂະຫຍາຍ​ແນວທາງ​ຂອງ​ພັກ, ກົດໝາຍ​ຂອງ​ລັດ. ແນ່ໃສ່ເຮັດໃຫ້ສະມາຊິກພັກ-ພະນັກງານພາຍໃນຄະນະໂຄສະນາອົບຮົມເມືອງ ມີຄວາມປອດໃສ, ເຂັ້ມແຂງ, ໜັກແໜ້ນທາງດ້ານການເມືອງ-ແນວຄິດ ແລະ ການຈັດຕັ້ງ ເພື່ອຕ້ານ ແລະ ສະກັດກັ້ນບັນດາຫາງສຽງສັງຄົມ ແລະ ປະກົດການຫຍໍ້ທໍ້ຕ່າງໆພາຍໃນຄະນະໂຄສະນາອົບຮົມ​ເມືອງ.

​     ກອງປະຊຸມ​ຍັງ​ໄດ້​ຮັບ​ຟັງ​ການ​ປະກອບ​ຄຳ​ເຫັນ​ຂອງ ຄະນະພັກຮາກຖານ ແລະ ​​ໜ່ວຍ​ພັກຈຳ ນວນໜຶ່ງ​ພາຍ​ໃນ​ເມືອງ ​ວຽງ​ຄຳ ​ເປັນ​ຕົ້ນ​​ແມ່ນ​ຫ້ອງການ​ສຶກສາ​ທິການ ​ແລະ ກິລາ​ເມືອງ, ຫ້ອງການ​ສາ​ທາ​ລະນະ​ສຸກ​ເມືອງ, ກອງ​ບັນຊາ​ການ​ທະຫານ​ເມືອງ, ​ອົງການ​ແນວ​ລາວ​ສ້າງ​ຊາດ​ເມືອງ ​ແລະ ຫ້ອງການ​ກະສິກຳ ​ແລະ ປ່າ​ໄມ້​ເມືອງ. ບັນດາຄຳ​ເຫັນ​ຂອງ​ແຕ່​ລະ​ພາກ​ສ່ວນ​ແມ່ນ​ສອດ​ຄ່ອງ​ກັບ​ເງື່ອນ​ໄຂ​ຕົວ​ຈິງ​ຂອງ​ແຕ່​ຂົງ​ເຂດ​ວຽກ​ງານໃນການຈັດຕັ້ງປະຕິບັດ ແຕ່ກໍຍັງ​ມີ​ຂໍ້ຄົງຄ້າງ​ຈຳນວນ​ໜຶ່ງ​ທີ່​ຄະນະ​ພັກ​ທຸກ​ຂັ້ນ​ຕ້ອງ​ໄດ້​ປັບປຸງແກ້​ໄຂ​ເປັນ​ຕົ້ນ​ແມ່ນ: ສະມາຊິກ​ພັກ​ຈຳນວນ​ໜຶ່ງຍັງ​ຂາດການ​ຄົ້ນຄວ້າ​ຮໍ່າຮຽນ​ແນວທາງ​ຂອງ​ພັກ, ລະບຽບ​ກົດໝາຍ​ຂອງ​ລັດ, ຂາດການ​ຝຶກ​ຝົນ​ຫຼໍ່​ຫຼອມ​ຕົນ​ເອງທາງດ້ານ​ຄຸນສົມບັດ​ສິນ​ທຳ​ປະຕິວັດ, ຂາດລັກສະນະ​ຕໍ່ສູ້​ການ​ຕຳນິຊ່ວຍ​ເຫຼືອ​ກໍ່ສ້າງ​ເຊິ່ງກັນ ​ແລະ ກັນພາຍໃນພັກ, ​ການຈັດຕັ້ງພັກຢູ່ຫຼາຍບ່ອນບໍ່ທັນແຂງແຮງ ເຮັດໃຫ້ພະນັກງານ-​ສະມາຊິກ​ພັກ ຈຳນວນ​ໜຶ່ງຂາດສະຕິ ແລະ ລະເມີດວິໄນພັກອັນໄດ້ເຮັດໃຫ້ເກີດມີ​ປະກົດ​ການ​ຫຍໍ້ທໍ້, ຫາງ​ສຽງ​ຕ່າງໆ​ເກີດ​ຂຶ້ນ​ໃນ​ສັງຄົມ.

     ໃນຕອນທ້າຍຂອງກອງປະຊຸມ ສະຫາຍ ຄໍາ​ຫຼ້າ ລຽນ​ປະດິດ ກຳມະການ​ປະຈຳ​ພັກ​ແຂວງ ຫົວໜ້າ​ຄະນະ​ໂຄ ສະນາ​ອົບຮົມ​ແຂວງ ໄດ້ໃຫ້ກຽດມີຄໍາເຫັນໂອ້ລົມຕໍ່ກອງປະຊຸມ ເຊິ່ງທ່ານໄດ້ເໜັ້ນໜັກວ່າ ການ ຈັດຕັ້ງຜັນຂະຫຍາຍເນື້ອໃນຈິດ ໃຈດັ່ງກ່າວໃຫ້ກວ້າງຂວາງ ແລະ ເລິກເຊິ່ງແທດເໜາະກັບສະພາບຕົວເປັນຈິງ;​ ແຕ່ລະ​ໜ່ວຍ​ພັກ​ຕ້ອງ​ກຳ​​ໃຫ້ໄດ້​ທາດ​ແທ້​ອຸດົມ​ການ​ຂອງ​ພັກ​ເຮົາ ​ແລະ ຍຶດໝັ້ນ​ປະຕິບັດຕາມ 5 ຫຼັກ ການ 3 ທິດ​ນຳ​ຂອງ​ພັກ ​​ໂດຍ​ຕິດ​ພັນ​ກັບ​ການປັບປຸງ​ປົວ​ແປງພັກ, ​ກໍ່ສ້າງ​ເສີມ​ຂະຫຍາຍ​ວຽກ​ງານ​​ການ​ເມືອງ-ແນວ​ຄິດໃນ​​ແຕ່ລະ​ຂົງ​ເຂດວຽກ​ງານ​ພາຍ​ໃນ​ເມືອງ​ ວຽງ​ຄຳ ກໍຄືພາຍ​ໃນຄະນະ​ໂຄສະນາ​ອົບຮົມ​ເມືອງ ໃນ​ການ​ປະຕິບັດ​ໜ້າ​ທີ່ການ​ເມືອງ, ​ວຽກ​ງານ​ວິຊາ​ສະ​ເພາະ​ຂອງ​ຕົນ​ໃຫ້​​ແທດ​ເໝາະ​ກັບ​ໜ້າ​ທີ່​ການ​ເມືອງ​ໃນ​ໄລຍະ​​ໃໝ່ ​ເພື່ອ​ຮອງ​ຮັບ​ກັບ​ສະພາບ​ການ​ຜັນ​ແປຕ່າງໆ ທີ່ອາດ​ຈະ​ເກີດ​ຂຶ້ນ​ພາຍ​ໃນ​ປະ​ເທດ ​ແລະສາກົນ; ພ້ອມ​ກັນ​ເປັນ​ເຈົ້າ​ການ​ເພີ່ມ​ຄວາມ​ຮັບຜິດຊອບ​ຕໍ່ໜ້າ​ທີ່​ວຽກ​ງານ​ທີ່​ໄດ້​ຮັບ​ມອບ​ໝາຍ ​ແລະ ປະ ກອບສ່ວນເຂົ້າໃນການສ້າງ​ຜົນງານຄຳນັບ​ຮັບ​ຕ້ອນ​ກອງ​ປະຊຸມ 3 ຂັ້ນ​ຂອງ​ພັກໃຫ້ປະສົບຜົນສໍາເລັດຕາມລະດັບຄາດໝາຍທີ່ວາງໄວ້ທຸກປະການ.

ຂຽນໂດຍ: ສີປະເສີດພົມມະຈັນ

 

 

 

ກົດໝາຍແຫ່ງ ສປປ ລາວ

ຄໍາເຫັນຂອງ ທ່ານ ສຈ.ດຣ ກິແກ້ວ ໄຂຄຳພິທູນ ຫົວໜ້າ ຄອສພ ຕໍ່ເວັບໄຊສ

ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ

ປະທານ ໄກສອນ ພົມວິຫານ ຢືນຢົງໃນພາລະກິດປະຕິວັດຂອງພວກເຮົາຕະຫລອດໄປ

ຊົມເຊີມວັນສ້າງຕັ້ງ ສປປ ລາວ ຄົບຮອບ 43 ປີ ຢ່າງສຸດໃຈ.

ກອງປະຊຸມໃຫຍ່ຜູ້ແທນທົ່ວປະເທດ ຂອງ ພັກປະຊາຊົນ ປະຕິວັດລາວ

ເຊື່ອມຕໍ່ເວັບໄຊສ

ສົນທະນາແລກປ່ຽນຄຳເຫັນ

ແລກປ່ຽນຄຳຄິດເຫັນ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624

ຈຳນວນຄົນອອນໄລ໌ທ

ມີ 48  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

1217331
ມື້ນີ້ມື້ນີ້33
ມື້ວານນີ້ມື້ວານນີ້107
ອາທິດນີ້ອາທິດນີ້650
ເດືອນນີ້ເດືອນນີ້1837
ທັງໝົດທັງໝົດ1217331