ການພົບປະສອງຝ່າຍລະຫວ່າງ ຄະນະໂຄສະນາອົບຮົມ..

ສ້າງຂື້ນເມື່ອ ວັນສຸກ, 01 ກຸມພາ 2019 04:17

ການພົບປະສອງຝ່າຍລະຫວ່າງ ຄະນະໂຄສະນາອົບຮົມສູນກາງພັກ ແລະ ສະຖາບັນການເມືອງການປົກຄອງແຫ່ງຊາດ ສ.ສ ຫວຽດນາມ.

        ໃນຕອນບ່າຍ ຂອງວັນທີ 15 ມັງກອນ 2019 ຜ່ານມາ, ທ່ານ ສຈ ປອ ກິແກ້ວ ໄຂຄໍາພິທູນ ເລ ຂາທິການສູນກາງພັກ ຫົວໜ້າຄະນະໂຄ ສະນາອົບຮົມສູນກາງພັກ ປະທານສະພາວິທະຍາສາດສັງຄົມແຫ່ງຊາດ ໄດ້ໃຫ້ກຽດຕ້ອນຮັບການ ທ່ານ  ສຈ ປອ ຫງວຽນ ຊວນ ຖັງ ເລຂາທິ

ການສູນກາງພັກ ປະທານທິດສະດີສູນກາງພັກ ຫົວໜ້າສະຖາບັນການ ເມືອງແຫ່ງຊາດ ໂຮ່ຈີມິນ ສ.ສ ຫວຽດນາມ ພ້ອມດ້ວຍຄະນະ, ເນື່ອງໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ. ເຂົ້າຮ່ວມມີ: ທ່ານ ຮສ ປອ ທອງສະລິດ ມັງໜໍ່ເມກ, ທ່ານ ປອ ສອນທະນູ ທໍາມະວົງ, ທ່ານ ປອ ນາມ ວິຍະເກດ, ທ່ານ ປທ ອຸບົນ ມະຫາໄຊ, ທ່ານ ປທ ນ. ຄໍາຫຼ້າ ແກ້ວອຸ່ນຄໍາ ແລະ ຕາງໜ້າບັນດາຫົວໜ້າກົມ ຂອງ ຄະນະໂຄສະນາອົບຮົມສູນກາງພັກ ເຂົ້າຮ່ວມ.

       ໃນໂອກາດດັ່ງກ່າວ ທ່ານ ສຈ ປອ ກິແກ້ວ ໄຂຄໍາພິທູນ ເລຂາທິການສູນກາງພັກ ຫົວໜ້າຄະນະໂຄສະນາອົບ ຮົມສູນກາງພັກ ໄດ້ສະແດງຄວາມຍິນດີຕ້ອນຮັບຢ່າງອົບອຸ່ນຕໍ່ການເດີນທາງມາຢ້ຽມ ຢາມ ແລະ ເຮັດວຽກ ຢູ່ ສປປ ລາວ ຂອງ ທ່ານ ສຈ ປອ ຫງວຽນ ຊວນຖັງ ເລຂາ ທິການສູນກາງພັກ ປະທານທິດສະດີສູນກາງພັກ ຫົວໜ້າສະຖາບັນການເມືອງແຫ່ງຊາດ ໂຮ່ຈີມິນ ສ.ສ ຫວຽດນາມ ພ້ອມດ້ວຍຄະນະ. ການພົບປະສອງຝ່າຍໃນຄັ້ງນີ້ ໄດ້ສະແດງໃຫ້ເຫັນເຖິງການຮັດແໜ້ນຄວາມສາມັກຄີທີ່ເປັນມູນເຊື້ອລະຫວ່າງສອງພັກ ສອງລັດ ແລະ ປະຊາຊົນສອງຊາດລາວ-ຫວຽດ ນາມ, ການພົວພັນຮ່ວມມືຮອບດ້ານຂອງສອງຝ່າຍໃນໄລຍະຜ່ານມາກໍຄືໃນຕໍ່ໜ້າ ພ້ອມນັ້ນ ທ່ານ ສຈ ປອ ກິແກ້ວ ໄຂ ຄໍາພິທູນ ໄດ້ລາຍງານສະພາບການທີ່ພົ້ນເດັ່ນ ແລະ ຜົນງານການເຄື່ອນໄຫວໃນການຈັດຕັ້ງປະຕິບັດໜ້າທີ່ວຽກງານໃນໄລຍະຜ່ານມາໃຫ້ ທ່ານ ສຈ ປອ ຫງວຽນ ຊວນ ຖັງ ຊາບວ່າ: ໄລຍະຜ່ານມາປະຕິບັດຕາມທິດຊີ້ນໍາຂອງ ກົມການ ເມືອງສູນກາງພັກ ໃນການຈັດຕັ້ງກອງປະຊຸມຜັນຂະ ຫຍາຍມະຕິ 7  ສະ ໄໝທີ 10 ຂອງພັກ ໃຫ້ເຂົ້າສູ່ຊີວິດຕົວຈິງ ເຊິ່ງໃນນັ້ນກອງປະຊຸມໄດ້ລົງເລິກ 2 ບັນຫາຄຶື: 1. ມະຕິວ່າດ້ວຍການພີ່ມທະວີການນໍາພາແກ້ໄຂຄວາມຫຍຸ້ງຍາກດ້ານເສດຖະກິດ - ການເງິນ ແລະ ສ້າງຄວາມເຂັ້ມຂອງການຄຸ້ມມະຫາພາກ, 2. ມະຕິວ່າດ້ວຍການປັບປຸງຮາກຖານການ ເມືອງ ຂອງລະບົບປະຊາ ທິປະໄຕ ປະຊາຊົນ ໃຫ້ມີຄວາມເຂັ້ມແຂງ ແລະ ໜັກແໜ້ນ  ເຊິ່ງເປັນມະຕິທີ່ສໍາຄັນອັນໜຶ່ງໃນການຍູ້ແຮງເຂົ້າໃນການຈັດຕັ້ງຜັນຂະຫຍາຍແຕ່ສູນກາງລົງຮອດທ້ອງຖິ່ນ ແລະ ຮາກຖານ ເພື່ອເຊື່ອມຊຶມກໍາແໜ້ນ ເນື້ອໃນຈິດໃຈມະຕິ 7 ສະໄໜທີ 10 ຂອງພັກ ນໍາໄປຈັດຕັ້ງປະຕິບັດລົງເລິກໃນຂົງເຂດ, ຂະແໜງການຂອງຕົນຮັບຜິດ ຊອບ ໃຫ້ປະ ກົດຜົນເປັນຈິງ ທັງຮັບປະກັນປະສິດທິຜົນສູງສຸດ; ນອກນັ້ນ ທ່ານ ສຈ ປອ ກິແກ້ວ ໄຂຄໍາພິທູນ ຍັງໄດ້ສະແດງຄວາມເຫັນດີນໍາ ສະຫາຍ ສຈ ປອ ຫງວຽນ ຊວນ ຖັງ ໃນການລາຍງານການເຄື່ອນໄຫວ ແລະ ພົວພັນຮ່ວມມືຂອງສອງຝ່າຍໃນໄລຍະຜ່ານມາ ເວົ້າລວມ ເວົ້າສະເພາະ ກໍແມ່ນ ລະຫວ່າງ ສະພາວິທະຍາສາດສັງ ຄົມແຫ່ງຊາດ ແລະ ສະພາທິດສະດີສູນກາງພັກ ສ.ສ ຫວຽດນາມ ໃຫ້ມີຄວາມແໜ້ນແຟ້ນຍິ່ງຂຶ້ນ,  ພ້ອມທັງອວຍພອນໃຫ້ ທ່ານ ສຈ ປອ ຫງວຽນ ຊວນ ຖັງ ຈົ່ງປະສົບຜົນສໍາເລັດຢ່າງຈົບງາມໃນການເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້.