ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 63 ປີ ຢ່າງສຸດໃຈ.                                                                                                                                                                           ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ.                                                                                                                                                                               ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ.                                                                                                                                                                       ຊົມເຊີຍວັນສ້າງຕັ້ງ ສປປ ລາວ ຄົບຮອບ 42ປີ.  

ເສີມຂະຫຍາຍມູນເຊື້ອທາດແທ້ຂອງພັກ.

ເສີມຂະຫຍາຍມູນເຊື້ອທາດແທ້ຂອງພັກ.

ຜ່ານ​ການ​ເຄື່ອນ​ໄຫວ​ນໍາພາ ພາຍ​ໃຕ້​ເງື່ອນ​ໄຂ​ປະຫວັດສາດ ​ແລະ ສະພາບ​ແວດ​ລ້ອມ​ທີ່​ແຕກ​ຕ່າງ​ກັນ​ມາ​ເປັນ​ເວລາ 60 ປີ, ​ໃນ​ນັ້ນມີ​ທັງ​ໄລຍະ​ທີ່​ເຕັມ​ໄປ​ດ້ວຍ​ສິ່ງ​ທ້າ​ທາຍ​ທົດ​ສອບ​ອັນ​ລະ​ອິດ​ລະ​ອ້ຽວຂ້ຽວຂາດ​ທີ່​ສຸດ, ພັກ​ປະຊາຊົນ​ປະຕິວັດ​ລາວ ​ໄດ້​ຮັບ​ການ​ປັບປຸງ ​ແລະ ຫລໍ່​ຫລອມ​ໃຫ້​ເປັນ​ພັກ​ທີ່​ມີ​ທາດ​ແທ້-ມູນ​ເຊື້ອ​ອັນ​ສະຫງ່າ​ລ່າ​ສີ ດັ່ງ​ນີ້:

1. ພັກເຮົາມີຄວາມຈົງຮັກພັກດີແລະ ຢຶດໝັ້ນໃນແນວຄິດ-ທິດສະດີ ມາກ-​ເລນິນ ກໍຄື ຈຸດໝາຍສັງຄົມນິຍົມຢ່າງໜັກແໜ້ນ; ບໍ່ຄໍາພີຕາຍຕົວແຕ່ຫາກມີຄວາມເປັນເຈົ້າການປະ ດິດສ້າງໃນການໝູນໃຊ້ທິດສະດີ​ ​ແລະ ບົດຮຽນດ້ານຕ່າງໆເຂົ້າກັບເງື່ອນໄຂຕົວຈິງແລະ ສະພາບຈຸດພິເສດຂອງປະເທດຊາດ; ມີການສະຫລຸບຖອດຖອນບົດຮຽນຈາກພຶດຕິກໍາ ແລະ ປັບປຸງບູລະນະແນວທາງໃຫ້ສອດຄ່ອງ.

ພັກ​ເຮົາ​ມີ​ຄວາມ​ຈົງ​ຮັກ​ພັກດີ​​ຕໍ່​ລັດທິ​ມາກ-​ເລ​ນິນ​ຢ່າງ​ຖືກຕ້ອງ ​ແລະ ປະດິດ​ສ້າງ​ເຂົ້າ​ໃນ​ສະພາບ​ຄວາມ​ເປັນ​ຈິງ​ຂອງ​ປະ​ເທດ​ເພື່ອ​ວາງ​ຈຸດໝາຍ, ​ແນວທາງ​ຍຸດ​ທະ​ສາດ​ ແລະ ວິ ທີ​ປະຕິວັດ​ກໍຄື​ແນວທາງ​ກໍ່ສ້າງ​ພັກ, ຄວາມ​ຈົງ​ຮັກ​ພັກດີ​ຕໍ່​ລັດທິ​ມາກ-​ເລ​ນິນ ​ເປັນ​ຫີນ​ຝົນ​ຄໍາ ​ເພື່ອ​ຢືນຢັນ​ໃຫ້​ເຫັນ​ວ່າ: ລັດທິມາກ-​ເລນິນ ແມ່ນພື້ນຖານແນວຄິດ ແລະ ເປັນເຂັມທິດໃຫ້ທຸກການກະທໍາປະຕິວັດຢູ່ສະ​ເໝີ”.

ພັກ​ຢຶດໝັ້ນໃນ​ທິດ​ສະ​ດີ​ມາກ-​ເລ​ນິນ ​ແລະ ຈຸດໝາຍສັງຄົມ​ນິຍົມ​, ກໍາ​ແໜ້ນລັກສະ ນະ​ປະຕິວັດ ​ແລະ ວິທະຍາສາດ​ອັນ​ເລິກ​ເຊິ່ງ ຂອງ​ລັດທິ​ມາກ-​ເລ​ນິນ, ​ແຕ່​ບໍ່​ແຂງ​ກະດ້າງ, ບໍ່​ຄໍາ​ພີຕາ​ຍຕົວ; ຕັ້ງໜ້າ​ຄົ້ນຄ້ວາ​ຮໍ່າຮຽນ ​ແລະ ໝູນ​ໃຊ້​ບັນດາ​ຫລັກ​ມູນ​ພື້ນຖານ​ຂອງ​ລັດທິ​ມາກ-​ເລ​ນິນ​ ເຂົ້າ​ໃນ​ສະພາບ​ຕົວ​ຈິງ​ຂອງ​ປະ​ເທດ​ເຮົາ​ຢ່າງ​ປະດິດ​ສ້າງ​ ແລະ ແທດ​ເໝາະ, ໂດຍ​ຕິດ​ພັນ​ກັບ​ການ​ສະຫລຸບຖອດ​ຖອນ​ບົດຮຽນ​ ຈາກ​ພຶດຕິ​ກໍາ​ຂອງ​ປະ​ເທດ​ເຮົາ​ ແລະ ບົດ ຮຽນ​ຂອງ​ພັກ​ອ້າຍ​ນ້ອງ ​ແລະ ປະ​ເທດຕ່າງໆ ອັນ​ໄດ້​ຮັບປະກັນ​ໃຫ້​ແກ່​ພັກ ສາ​ມາດ​ວາງ​ແນວທາງ​ແຜນ​ນະ​ໂຍບາຍຢ່າງ​ຖືກຕ້ອງ ​​ແທດ​ເໝາະ​ກັບ​ເງື່ອນ​ໄຂ​ຕົວ​ຈິງ​ຂອງ​ປະ​ເທດ​ຊາດ, ຕອບ​ສະໜອງ​ຄວາມ​ມຸ່ງ​ມາດ​ປາຖະໜາ ​ແລະ ຜົນ​ປະ​ໂຫຍ​ດຂອງ​ປະຊາຊົນ​ ແລະ ​ໄດ້​ຮັບການ​ສະໜັບສະໜູນ​ຢ່າງ​ແຂງ​ແຮງຈາກ​ປະຊາຊົນ.

ພັກ​​​ເຮົາ​ໄດ້​ລິ​ເລີ່​ມ ແລະ ຈັດຕັ້ງນໍາພາ​ທົ່ວ​ປວງ​ຊົນ​ ດໍາ​ເນີນ​ພາລະກິດ​ປ່ຽນ​ແປງ​ໃໝ່​ ຈາກ​ພຶດຕິ​ກໍາ​ຂອງ​ຕົນ, ຜ່ານ​ການ​ຊອກ​ຮູ້, ຮໍ່າຮຽນ ​ແລະ ຄົ້ນຄ້ວາ​ບົດຮຽນ​ຂອງ​ບັນດາ​ພັກ​ອ້າຍ​ນ້ອງ ​ແລະ ປະ​ເທດ​ຕ່າງໆ ພັກ​ເຮົາ​ໄດ້​ມີ​ຄວາມ​ສະດຸ້ງ​ໄວ ​ແລະ ມີ​ຄວາມ​ຄິດ​ກ່ຽວ​ກັບ​ການ​ປ່ຽນ​ແປງ​ໃໝ່​; ​ແນວ​ຄວາມ​ຄິດ​ດັ່ງກ່າວ​ໄດ້​ຮັບ​ການ​ປັບປຸງເສີມ​ຂະຫຍາຍ​ຢ່າງ​ຕໍ່​ເນື່ອງ, ປະກອບ​ເປັນ​ລະບົບ​ຈິນຕະນາການ, ທັດສະນະ ​ແລະ ຫລັກການ​ຊີ້​ນໍາພາ​ລະ​ກິດ​ປ່ຽນ​ແປງ​ໃໝ່, ກໍ​ຄື​ການ​ກໍານົດ​ທິດ ​ແລະ ບາດກ້າວ​ເດີນ​ສູ່​ຈຸດໝາຍ​ສັງຄົມ​ນິຍົມ​ທີ່​ສອດຄ່ອງ​ກັບ​ຈຸດ​ພິ​ເສດ ​ແລະ​ ສະພາວະ​ຄວາມ​ເປັນ​ຈິງ​ທາງ​ດ້ານ​ເສດຖະກິດ-ສັງຄົມ​ຂອງ​ປະ​ເທດ​ ອັນ​ນີ້​ແມ່ນ ​ລວມຍອດ​​ແຫ່ງສະຕິ​ປັນຍາຂອງ​ພັກ​ເຮົາ.

 ພັກ​ເຮົາ​ຖື​ສໍາຄັນ​ ການ​ສະຫລຸບຖອດ​ຖອນ​ບົດຮຽນ​ ຈາກ​ຂະ​ບວນການ​ປະຕິວັດ​  ຂອງ​ມະຫາຊົນ, ​ເອົາ​ໃຈ​ໃສ່​ຕໍ່​ພຶດຕິ​ກໍາ​ແຫ່ງ​ການ​ເຄື່ອນ​ໄຫວ​ປະຕິວັດ​ ຂອງ​ມະຫາຊົນ​ຢ່າງ​ຈົດ​ຈໍ່; ພັກ​ເຮົາ​ບໍ່​ພຽງ​ແຕ່​ເປັນ​ຜູ້​ວາງ​ ​ແລະ ນໍາ​ເອົາ​ແນວທາງນະ​ໂຍບາຍ​ຂອງ​ຕົນ​ເຂົ້າສູ່​ຂະ​ບວນການ​ປະຕິວັດ​ຂອງ​ມະຫາຊົນ​ເທົ່າ​ນັ້ນ, ​ແຕ່​ຍັງ​ຕ້ອງ​ຊອກ​ເຫັນ, ​ເກັບ​ກໍາ, ສະຫລຸ​ບບົດຮຽນ​ຕ່າງໆ​ ຈາກ​ຂະ​ບວນການ​ເຄື່ອນ​ໄຫວ​ຂອງ​ມະຫາຊົນ​ເພື່ອ​ມາ​ປັບປຸງ, ບູລະນະ​ແນວທາງ​ ນະ​ໂຍບາຍ​ຂອງ​ຕົນ​ໃຫ້​ສົມ​ບູນຍິ່ງໆ​ຂຶ້ນ.

2. ພັກໄດ້ຢຶດໝັ້ນແລະ ປະຕິບັດຢ່າງຖືກຕ້ອງບັນດາຫລັກການພື້ນຖານດ້ານ ການຈັດຕັ້ງແລະ ການເຄື່ອນໄຫວຂອງພັກນັ້ນຄືຫລັກການລວມສູນປະຊາທິປະໄຕ,​ເວລາໃດກໍຖືສໍາຄັນການເສີມຂະຫຍາຍຄວາມສາມັກຄີເປັນເອກະພາບບົນພື້ນຖານແນວ ທາງແຜນນະໂຍບາຍຂອງພັກ, ພັກນໍາພາເປັນໝູ່ຄະນະບົນພື້ນຖານການແບ່ງງານແລະ ມອບໝາຍຄວາມຮັບຜິດຊອບໃຫ້ບຸກຄົນໃນໝູ່ຄະນະ, ຖືສໍາຄັນການເສີມຂະຫຍາຍປະຊາທິປະໄຕໄປຄຽງຄູ່ກັບການປະຕິບັດກົດລະບຽບຂອງພັກແລະ ລະບອບດໍາເນີນຊີວິດການເມືອງ, ຕໍານິສົ່ງຂ່າວຊ່ວຍເຫລືອກໍ່ສ້າງກັນ; ຕ້ານລັດທິອາດຍາສິດ, ​ເຈົ້າໂຄດແລະ ອະນາທິປະໄຕໃນພັກ.

ພັກ​ເຮົາ​ໄດ້​ກໍານົດ​ໄວ້​ວ່າ ກໍາລັງ​ແຮງ​ທາງ​ດ້ານ​ການ​ເມືອງ ​ແລະ ​ແນວ​ຄິດ​ຂອງ​ພັກ ຕ້ອງ​ຮັບປະກັນ​ດ້ວຍ​ກໍາລັງ​ແຮງ​ທາງ​ດ້ານ​ການຈັດຕັ້ງ; ສະນັ້ນ, ​ໃນ​ການ​ກໍ່ສ້າງ ​ແລະ ປັບ ປຸງ​ພັກ, ​ພັກ​ເຮົາ​ໄດ້​ເປັນ​ເຈົ້າການ​ປັບປຸງ​ກໍ່ສ້າງ​ຕົນ​ເອງ​ທາງ​ດ້ານ​ການ​ເມືອງ, ​ແນວ​ຄິດ, ການຈັດຕັ້ງ ​ແລະ ​ແບບ​ແຜນ​ນໍາພາ; ຈັດຕັ້ງປະຕິບັດ​ຫລັກການປະຊາ​ທິ​ໄຕຢ່າງ​ຖືກຕ້ອງ​ແລະ ​ເຂັ້ມງວດ, ເຮັດ​ໃຫ້​ພັກ​ເຮົາ​ກາຍ​ເປັນ​ກ້ອນ​ກໍາລັງ​ເອກະ​ພາບທາງ​ດ້ານ​ແນວ​ຄິດ, ມາ ນະ​ຈິດ ​ແລະ ການ​ກະທໍາ, ​ເສີມ​ຂະຫຍາຍ​ປະຊາທິປະ​ໄຕ​ພາຍ​ໃນ​ພັກ ​ແລະ ​ໃນ​ທົ່ວ​ສັງຄົມ​ ຕິດ​ພັນ​ກັບ​ການ​ເພີ່ມ​ທະວີຄວາມ​ຮັບຜິດຊອບ ​ແລະ ຄວາມ​ເຂັ້ມງວດ​ທາງ​ດ້ານ​ລະບຽບ​ວິ​ໄນ.

 ພັກ​​​ຢຶດໝັ້ນ​ໃນ​ຫລັກການ​ນໍາພາ​ເປັນ​ໝູ່​ຄະນະ​ ບຸກຄົນ​ຮັບຜິດຊອບ ​ເພື່ອ​ເສີມ​ຂະ ຫຍາຍ​ສະຕິ​ປັນຍາ​ລວມໝູ່​ຂອງ​ຄະນະ​ພັກ ​ແລະ ຮັບປະກັນ​ຄວາມ​ສາມັກຄີ​ເປັນ​ເອກະ​ພາບ​ຢູ່​ໃນ​ຄະນະ​ພັກ​,  ພ້ອມ​ກັນນັ້ນ,​ ກໍ​ເສີມ​ຂະຫຍາຍ​ນໍ້າ​ໃຈ​ຮັບຜິດຊອບ​ ຄວາມ​ເປັນ​ເຈົ້າການ​ຂອງ​ພະນັກງານ, ສະມາຊິກ​ພັກ​ແຕ່​ລະ​ຄົນ​ຕໍ່​ວຽກ​ງານ​ທີ່​ໄດ້​ຮັບ​ມອບ​ໝາຍ. ການ​ນໍາພາ​ເປັນ​ໝູ່​ຄະນະ​ ແມ່ນການ​ຮັບປະກັນ​ໃຫ້​ແກ່​ແຜນ​ນະ​ໂຍບາຍ, ນະ​ໂຍບາຍ​ຂອງ​ພັກ​ຖືກຕ້ອງ ​ບົນ​ພື້ນຖານ​ການເຕົ້າ​ໂຮມ​ເອົາ​ບົດຮຽນ, ຄວາມ​ເຫັນ​ຂອງ​ສະມາຊິກ​ພັກ ​ແລະ ມະຫາຊົນ,​ສາມາດ​ເສີມ​ຂະຫຍາຍ​ໄດ້​ຄວາມ​ຮັບຜິດຊອບ​ລັກສະນະ​ຕັ້ງໜ້າ ​ແລະ ປະດິດ​ສ້າງ​ຂອງ​ສະ ມາຊິກ​ພັກ.

 ພັກ​ເຮົາ​ໄດ້ເດັດດ່ຽວ ​ແລະ ​ເປັນ​ເຈົ້າການຕໍາ​ນິວິຈານ, ກໍາຈັດ​ແກ້​ໄຂ​ປະກົດ​ການ​ຕ່າງໆ ​ຂອງ​ພະຍາດ​ເອື່ອຍ​ອີງ, ບໍ່​ກ້າ​ເຮັດ​ບໍ່​ກ້າ​ທໍາ, ພະຍາດ​ເຈົ້າ​ໂຄດ​ເອກະ​ຊົນ, ຜະ​ເດັດ​ການ​ອ້າຍ​ດຽວ, ອາດຍາ​ສິດ​ພາຍ​ໃນ​ພັກ;  ພັກ​ເຮົາ​ຖື​ເອົາ​ການ​ຕິ​ຊົມ​ຕົນ​ເອງ, ຕິ​ຊົມ​ກັນ​ເປັນ​ກົດ​ເກນ​ແຫ່ງ​ການ​ຄົງ​ຕົວ ​ແລະ ຂະຫຍາຍ​ຂອງ​ພັກ, ການປະຕິບັດ​ຫລັກການ​ຕໍາ​ນິ​ຕົນເອງ ​ແລະ ຕໍາ​ນິຕິ​ຊົມ​ຊ່ວຍ​ເຫລືອ​ກໍ່ສ້າງ​ກັນ​ໃນ​ການ​ດໍາ​ເນີນ​ຊີວິດ​ພັກ​ຢ່າງ​ເຂັ້ມງວດ​ ​ແລະ ເປັນ​ປະ​ຈໍາ, ປັບປຸງ​ບູລະນະ​ລະບົບ​ກົງຈັກ​ການຈັດຕັ້ງພັກຂັ້ນຕ່າງໆ​ ໃຫ້​ເຂັ້ມ​ແຂງ​ມີ​ຄຸນ​ນະພາ​ບ ​ເພື່ອ​​ເຮັດ​ຫລ້ອນ​ພາລະ​ບົດບາດ​ນໍາພາ​ຂອງ​ຕົນ​ເປັນ​ຢ່າງ​ດີ. 

ພັກ​ເຮົາ​ຖື​ສໍາຄັນ​ການ​ຍົກ​ສູງ​ຄຸນ​ນະພາ​ບຂອງ​ໜ່ວຍ​ພັກ ​ແລະ ຂອງ​ອົງຄະ​ນະ​ພັກ​ຮາກ​ຖານ ຍົກ​ສູງ​ຄຸນສົມບັດ ​ແລະ ຄວາມ​ສາມາດ​ຂອງ​ພະນັກງານ, ສະມາຊິກ​ພັກ​ແຕ່ລະ ຄົນ ​ແລະ ສົມທົບ​ຢ່າງແໜ້ນ​ແຟ້ນ ການ​ປັບປຸງ​ອົງການ​ຈັດຕັ້ງຂອງ​ພັກ​ ກັບ​ການ​ປັບປຸງ​ບູ ລະນະ​ຄະນະ​ພັກ​ທຸກຂັ້ນ, ໜ່ວຍ​ພັກ; ອົງຄະ​ນະ​ພັກ​ຮາກ​ຖານ​ເຂັ້ມ​ແຂງ​ ຈຶ່ງ​ສາມາດ​ສຶກສາ​ອົບຮົມ, ​ຝຶກຝົນ​ຫລໍ່​ຫລອມ ​ແລະ ຍົກ​ສູງ​ຄວາມ​ສາມາດ ​ແລະ ຄຸນສົມບັດ​ສິນ​ທໍາ​ປະຕິວັດ​ຂອງ​ສະມາຊິກ​ພັກ ຈຶ່ງ​ຈະ​ສາມາດ​ເສີມ​ຂະຫຍາຍ​ກໍາລັງ​ແຮງ​ລວມໝູ່​ຂອງ​ໜ່ວຍ​ພັກ, ຂອງ​ອົງຄະ​ນະ​ພັກ ກໍ​ຄື​ ກໍາລັງ​ແຮງ​ຂອງ​ສະມາຊິກ​ພັກ​ແຕ່ລະຄົນ ຈຶ່ງ​ຈະ​ສາມາດ​ເປັນ​ຂົວ​ຕໍ່​ລະ

ຫວ່າງ​ພັກ​ກັບ​ມະຫາຊົນ​ໄດ້.

ພັກ​ເຮົາ​ຍາມ​ໃດ​ກໍຖື​​ເອົາ​ຄວາມ​ສາມັກຄີ​ເປັນປຶກ​ແຜ່ນ ​ຊຶ່ງ​ເປັນ​ຫລັກການ​ພື້ນຖານ​ ເພື່ອ​ຮັບປະກັນ​ຄວາມ​ເປັນ​ເອກະ​ພາບ​ທາງ​ດ້ານ​ການ​ເມືອງ, ​ແນວ​ຄິດ, ການຈັດຕັ້ງ ​ແລະ ການ​ກະທໍາ​ຂອງ​ພັກ. ກ່ອນ​ອື່ນ​ໝົດ​ແມ່ນ​ຄວາມ​ສາມັກຄີ​ເປັນ​ເອກະ​ພາບ​ພາຍ​ໃນ​ພັກ​ ແມ່ນ​ບັນຫາ​ເປັນຕາ​ຍຂອງ​ພັກ, ພາຍ​ໃນ​ພັກ​ມີ​ຄວາມ​ສາມັກຄີ​ເປັນ​ເອກະ​ພາບ​ແໜ້ນ​ ຈິຶ່ງ​ຈະ​ເປັນ​ຫລັກ​ແຫ​ລ່ງ​ໃຫ້​ຄວາມ​ສາມັກຄີ​ທຸກ​ຊົນ​ເຜົ່າ;​ ພັກ​ເຮົາ​ຍາມ​ໃດ​ກໍ​ໄດ້​ເອົາ​ໃຈ​ໃສ່​ປັບປຸງ​ຄວາມ​ສາມັກຄີ​ເປັນ​ເອກະ​ພາບ​ພາຍ​ໃນ​ພັກ, ຄວາມ​ສາມັກຄີ​ເປັນ​ເອກະ​ພາບ​ພາຍ​ໃນ​ພັກ​ ໄດ້​ສ້າງ​ຂຶ້ນ​ບົນ​ພື້ນຖານ​ຂອງ​ລັດທິ​ມາກ-​ເລ​ນິນ, ບົນ​ພື້ນຖານ​ຂອງ​ແນວທາງນະ​ໂຍບາຍ​ຂອງ​ພັກ; ຄວາມ​ສາມັກຄີ​ເປັນ​ເອກະ​ພາບ​ພາຍ​ໃນ​ພັກ​​​ ຈິຶ່ງ​ມີ​ພື້ນຖານ​ອັນ​ແໜ້ນ​ແກ່ນ, ​ ​ທັງເປັນ​ປັດ​ໄຈ​ສໍາຄັນ​ຄໍ້າ​ປະກັນ​ການ​ຍືນ​ຍົງ​ຄົງ​ຕົວ ​ແລະ ການ​ຂະຫຍາຍຕົວ​ຂອງ​ພັກ, ທັງຮັບປະກັນ​ໄຊ ຊະນະ​ຂອງ​ການ​ປະຕິວັດ​ຢູ່​ປະ​ເທດ​ເຮົາ, ປະທານ​ ໂຮ່ຈິ​ມິນ ​ເຄີຍ​ສັ່ງສອນ​​ໄວ້​ວ່າ: ບັນດາສະມາຊິກພັກ ນັບແຕ່ຂັ້ນສູນກາງລົງຮອດຮາກຖານພັກ ຕ້ອງຮັກສາຄວາມສາມັກຄີເປັນເອກະພາບຂອງພັກຄືກັນກັບຮັກສາໜ່ວຍຕາຂອງຕົນ”.

ພັກ​ເຮົາ​ຍັງໄດ້​ເອົາ​ໃຈ​ໃສ່​ຕໍ່​ບັນ​ຫາ​ປັບປຸງ ​ແລະ ​ເພີ່ມ​ທະວີ​ຄວາມ​ສາມັກຄີ​ປອງ​ດອງ​ ໃນ​ວົງ​ຄະນາ​ຍາດ​ແຫ່ງ​ຊາດ ບົນ​ພື້ນຖານ​ພັນທະ​ພາບ​ກໍາມະກອນ, ຊາວ​ກະສິກອນ​ ແລະ ນັກຮຽນ​ຮູ້​ປັນຍາ​ຊົນ​ພາຍ​ໃຕ້​ການ​ນໍາພາ​ຂອງ​ພັກ. ຄວາມ​ສາມັກຄີ​ປອງ​ດອງເປັນ​ມູນ​ເຊື້ອອັນ​ປະ​ເສີດ​ຂອງ​ຊາດ​ລາວ​ເຮົາ, ​ເປັນ​ທາດ​ແທ້​ອັນ​ດີງາມ​ທີ່​ມີ​ມາ​ແຕ່​ໃດໆ​ ຂອງ​ປະຊາຊົນ​ບັນ ດາ​ເຜົ່າ. ​ເມື່ອ​ຫວນ​ຄືນ​ເບິ່ງ​ຂະ​ບວນວິວັດ​ແຫ່ງ​ການ​ຂະຫຍາຍຕົວ​ຂອງ​ຊາດ​ລາວ​ເຮົາ, ພວກ​ເຮົາ​ຍິ່ງ​ເຫັນ​ແຈ້ງວ່າ​ ຄວາມສາມັກຄີປອງດອງເປັນປັດໄຈສໍາຄັນກວ່າໝູ່ຂອງຄວາມເປັນເອກະພາບແຫ່ງຊາດຂອງຄວາມຢູ່ເຢັນເປັນສຸກຂອງປະຊາຊົນແລະ ຄວາມຈະເລີນຮຸ່ງເຮືອງຂອງປະເທດຊາດ.

3. ພັກ​​ເຮົາເວລາໃດກໍຢຶດໝັ້ນໃນທາດແທ້ຊົນຊັ້ນແລະ ມີຄວາມຈົງຮັກພັກດີຕໍ່ຜົນປະໂຫຍດລວມຂອງຊາດ, ຂອງປະຊາຊົນ; ຖືການສະໜັບສະໜູນຂອງປະຊາຊົນເປັນສິ່ງສໍາຄັນຕັດສິນບົດບາດນໍາພາແລະ ການກໍາອໍານາດຂອງພັກ; ຈາກນັ້ນ ຈຶ່ງມີຄວາມເປັນເຈົ້າການປັບປຸງແບບແຜນວິທີນໍາພາຂອງພັກ, ​ເຄື່ອນໄຫວຕິດແທດກັບປະຊາຊົນ, ​ເຄົາລົບສິດເປັນເຈົ້າຂອງປະຊາຊົນ, ​ເຮັດທຸກສິ່ງທຸກຢ່າງ ເພື່ອຄວາມຮັ່ງມີຜາສຸກຂອງປະຊາຊົນແລະ ຄວາມມັ່ງຄັ້ງເຂັ້ມແຂງຂອງປະເທດຊາດ.

​ເລີ່​ມ​ແຕ່​ຫົວທີ ​ພັກ​​ເຮົາ​ໄດ້​ຢືນຢັນ​ຢ່າງ​ຂາດ​ຕົວ​ວ່າ ພັກ​ປະຊາຊົນ​ປະຕິວັດ​ລາວ​ແມ່ນພັກການເມືອງຂອງຊົນຊັ້ນກໍາມະກອນແລະ ຊາວຜູ້ອອກແຮງງານລາວ, ນີ້​ແມ່ນ​ບັນຫາ​ສໍາຄັນ​ທີ່​ສຸດ​ສໍາລັບ​ພັກ​ທີ່​ກໍາ​ເນີ​ດ ​ແລະ ​ເຕີບ​ໃຫຍ່​ໃນ​ປະ​ເທດ​ກະສິກໍາ​ຫລ້າຫລັງ, ຊົນ​ຊັ້ນກໍາມະກອນ​ຍັງ​ອ່ອນ​ນ້ອຍ, ສະມາຊິກ​ພັກສ່ວນ​ຫລວງຫລາຍ​ມີ​ຕົ້ນກໍາ​ເນີ​ດຈາກ​ຊາວ​ໄຮ່ນາ​ແລະ ຊົນ​ຊັ້ນອື່ນ​ຄື​ດັ່ງ​ພັກ​ເຮົາ, ສະນັ້ນ, ຕັ້ງ​ແຕ່​ກໍາ​ເນີ​ດ​ເປັນຕົ້ນມາ, ພັກ​ບໍ່​ໄດ້​ລົດ​ລະ​ໃນ​ການ​ເຊີດ​ຊູ ​ແລະ ​ເພີ່ມ​ທະວີ​ທາດ​ແທ້​ຊົນ​ຊັ້ນ ​ແລະ ລັກສະນະ​ນໍາ​ໜ້າ​ຂອງ​ພັກ​ປະຕິວັດ, ພັກ​ມາກ-​ເລ​ນິນ; ສ້າງ​ພັກ​ໃຫ້​ເຂັ້ມ​ແຂງ​ໜັກ​ແໜ້ນ​ຢ່າງ​ແທ້​ຈິງ; ​ ເພີ່ມ​ທະວີ​ການ​ພົວພັນ​ສະໜິດ ແໜ້ນ​ກັບ​ມະຫາຊົນ, ຮັບປະກັນ​ໃຫ້​ພັກສາ​ມາດ​ປະຕິບັດ​ບົດບາດ​ເປັນ​ກອງ​ນໍາ​ໜ້ານຳພາ​ຢູ່​ໃນ​ທຸກ​ໄລຍະ​ຂອງ​ການ​ປະຕິວັດ.

ພັກ​ເຮົາ​ຍາມ​ໃດ​ກໍ​ຖື​ປະຊາຊົນ​ເປັນ​ກົກ, ​ເປັນ​ບໍ່​ເກີດ, ​ເປັນ​ເຫງົ້າພະລັງ ​ແລະ ​ເປັນ​ບ່ອນ​ອີງ​ອັນ​ໜັກ​ແໜ້ນ​ຂອງ​ຕົນ, ພັກ​ຍາມ​ໃດ​ກໍ​ຈົງ​ຮັກ​ພັກດີ​ຢ່າງ​ສຸດ​ຊຶ້ງ ຕໍ່​ຜົນ​ປະ​ໂຫຍ​ດອັນ​ພື້ນຖານ​ຂອງ​ປະຊາຊົນ​ຊາວ​ຜູ້​ອອກ​ແຮງ​ງານ ​ແລະ ຂອງ​ຊາດ​ຕົນ; ພັກ​ບໍ່​ມີ​ອຸດົມ​ຄະຕິ​ອື່ນ​ໃດ​ ນອກຈາກ​ເຮັດ​ທຸກ​ສິ່ງ​ທຸກ​ຢ່າງ​ ເພື່ອ​ຄວາມ​ເປັນ​ເອກະລາດ ​ແລະ ຄວາມ​ຈະ​ເລີ​ນຮຸ່ງ​ເຮືອງ​ຂອງ​ປະ​ເທດ​ຊາດ; ​ເພື່ອ​ອິດສະຫລະພາບ, ຄວາມ​ຢູ່​ເຢັນ​ເປັນ​ສຸກ ​ແລະ ຮັ່ງມີ​ຂອງ​ປະຊາຊົນ​ບັນດາ​ເຜົ່າ, ຈະ​ແມ່ນ​ການ​ກໍານົດ​ແນວທາງນະ​ໂຍບາຍ, ພັກ​ເຮົາ​ລ້ວນ​ແຕ່​ໄດ້​ເລີ່​ມ ຈາກ​ຄວາມ​ມຸ່ງ​ມາດ​ປາ​ຖະໜາ​ຂອງ​ປະຊາຊົນ ​ແລະ ​ເພື່ອ​ຜົນ​ປະ​ໂຫຍ​ດຂອງ​ປະຊາຊົນ. ສະນັ້ນ, ພາລະກິດ​ຂອງ​ພັກ, ພາລະກິດ​ປະຕິວັດ​ ຈຶ່ງ​ແມ່ນ​ພາລະກິດ​ຂອງ​ມະຫາຊົນ, ຂອງ​ທົ່ວ​ປວງ​ຊົນ​ທັງ​ຊາດ. ນັ້ນ​ແມ່ນ​ບົດຮຽນອັນ​ປະ​ເສີດ ​ແລະ ​ເປັນ​ມູນ​ເຊື້ອ​ອັນ​ດີງາມ​ທີ່​ສຸດ​ຂອງ​ພັກ​ເຮົາ ທີ່​ໄດ້​ຢັ້ງຢືນ​ຢ່າງ​ໜັກ​ແໜ້ນ​ກ່ຽວ​ກັບ​ສັດຈະ​ທໍາ​ທີ່​ວ່າ ພົວພັນສະໜິດແໜ້ນກັບມະຫາຊົນແມ່ນກົດເກນແຫ່ງການຄົງຕົວແລະ ຂະຫຍາຍຕົວຂອງພັກແມ່ນບໍ່ເກີດທີ່ບໍ່ເຫືອດແຫ້ງແຫ່ງກໍາລັງແຮງຂອງການປະຕິວັດ ” .

ໂດຍ​ຢຶດໝັ້ນ​ໃນ​ທັດສະນະ​ພື້ນຖານ​ທີ່​ວ່າ ພາລະກິດ​ປະຕິວັດ​ແມ່ນ​ຂອງ​ມະຫາຊົນ​ແລະ ມະຫາຊົນ​ເປັນ​ຜູ້​ສ້າງ​ປະຫວັດສາດ, ຍາມ​ໃດ​ພັກ​ເຮົາ​ກໍອີງ​ໃສ່​ປະຊາຊົນ, ​ເພາະ​ພັກ​ເຮົາ​ເກີດ​ຈາກ​ຂະ​ບວນການ​ຮັກ​ຊາດ​ຂອງ​ປະຊາຊົນ. ວັດຖຸ​ປະສົງ​ຂອງ​ພັກກໍ​ແມ່ນ​ການ​ຕອບ​ສະໜອງ​ຜົນ​ປະ​ໂຫຍ​ດ ​ແລະ ຄວາມ​ມຸ່ງ​ມາດ​ປາຖະໜາ​ອັນ​ຊອບ​ທໍາ​ຂອງ​ປະຊາຊົນ; ພັກ​ເຮົາ​ໄດ້​ເຄື່ອນ​ໄຫວ​ຕາມ​ແນວ​ທາງ​ມະຫາຊົນ, ຕິດ​ແໜ້ນ​ກັບ​ຮາກ​ຖານ​ຢູ່​ສະ​ເໝີ. ​ໃນ​ເວລາ​ຄົ້ນຄ້ວາ​ວາງ​ແນວທາງ, ​ແຜນ​ນະ​ໂຍບາຍ ​ແລະ ມະຕິ​ໃດ​ໜຶ່ງ​ ພັກ​ເຮົາ​ຈຶ່ງ​ຖື​ເອົາ​ການ​ທາ​ບ ທາມ, ຍາດ​ແຍ່ງ​ຄວາມ​ຄິດ​ຄວາມ​ເຫັນ, ຊອກ​ຮູ້​ບັນຫາ ​ແລະ ຄວາມ​ຮຽກຮ້ອງ​ຕ້ອງການ​ຂອງ​ປະຊາຊົນ​ເປັນ​ຈຸດ​ເລີ່​ມ; ພ້ອມ​ກັນ​ນັ້ນ ກໍ​ຄົ້ນຄ້ວາ​ວິທີ​ການ​ເຮັດ​ໃຫ້​ແນວທາງ​ກາຍ​ເປັນ​ວັດຖຸ​ປະສົງ​ຕົວ​ຈິງ​ທີ່​ສະ​ແດງ​ອອກ​ໃນ​ຄວາມ​ຢູ່​ດີ​ກິນ​ດີ​ຂອງ​ປະຊາຊົນ ​ແລະ ຄວາມ​ມັ່ງ​ຄັ້ງ​ເຂັ້ມ​ແຂງ​ຂອງ​ປະ​ເທດ​ຊາດ, ຍ້ອນ​ແນວ​ນັ້ນ ປະຊາຊົນ​ທັງ​ຊາດ​ຈຶ່ງ​ເດີນ​ຕາມ​ແນວທາງ​ຂອງ​ພັກ ​ແລະ ສະໜັບສະໜູນ​ອູ້ມຊູ​ພັກ​ຕະຫລອດ​ມາ.

​ໃນ​ປັດຈຸບັນ​, ພັກ​ເຮົາ​ໄດ້​ເປັນ​ພັກ​ກໍາ​ອໍານາດ, ສະນັ້ນ, ມີ​ຄວາມ​ຈໍາ​ເປັນ​ຕ້ອງ​ໄດ້ປັບປຸງ​ແບບ​ແຜນ​ນໍາພາ​ ເພື່ອ​ຍົກ​ສູງ​ຄວາມ​ສາມາດ​ກໍາ​ອໍານາດ​ຂອງ​ພັກ, ​ເຮັດ​ໃຫ້​ອຸດົມ​ຄະ ຕິ ​ແລະ ຈຸດໝາຍ​ຂອງ​ພັກ​ບັນລຸ​ຜົນ​ເປັນ​ຈິງ, ​ໃນ​ເງື່ອນ​ໄຂ​ໃໝ່​ນີ້​ ໄປ​ພ້ອມ​ກັບ​ການ​ຢຶດໝັ້ນ​ແລະ ​ເສີມ​ຂະຫຍາຍ​ແບບ​ແຜນ​ນໍາພາ​ທີ່​ເປັນ​ມູນ​ເຊື້ອອັນ​ດີງາມ​ຂອງ​ພັກ ​ເປັນຕົ້ນ​ແມ່ນ​ການ​ເຄື່ອນ​ໄຫວ​ນໍາພາ​ ໂດຍ​ຜ່ານ​ແນວທາງ ​ແລະ ການຈັດຕັ້ງຂອງ​ພັກ, ນໍາພາ​ຕາມ​ແນວທາງ​ມະຫາຊົນ, ​ເອົາ​ການ​ຂົນຂວາຍ​ປຸກລະດົມ​ຊວນ​ເຊື່ອສົມທົບກັບ​ຄວາມ​ເປັນ​ແບບ​ຢ່າງ​ນໍາ​ໜ້າ​ຂອງ​ສະມາຊິກ​ພັກ ​ແລະ ການຈັດຕັ້ງຂອງ​ພັກ​ນັ້ນ ຕ້ອງ​ໄດ້​ເພີ່ມ​ທະວີ​ແບບ​ແຜນ​ນໍາພາ​ທີ່​ແທດ​ເຖິງ​ຕົວ​ຈິງ, ມີ​ວິທະຍາສາດ, ມີ​ປະຊາທິປະ​ໄຕ, ​ເອົາ​ການ​ເອົາ​ງານ ​ແລະ ມີ​ຄວາມ​ຮັບຜິດຊອບ, ທັງ​ມີ​ຄວາມ​ຕັ້ງໜ້າ​ເປັນ​ເຈົ້າການ​ຕໍ່ສູ້​ຕ້ານ ​ແລະ ກໍາຈັດ​ປັດ​ເປົ່າ​ພະຍາດ​ອາດ ຍາ​ສິດ, ​ການ​ເຮັດ​ວຽກ​ແບບ​ຜີວ​ເຜີນ, ຂາດ​ຄວາມ​ຮັບຜິດຊອບ, ຕ້ານ​ກັບ​ແນວ​ຄິດ​ທັດສະ ນະ​ທີ່​ບໍ່​ເຄົາລົບ​ລະບຽບ​ວິ​ໄນ, ທັດສະນະ​ແນວ​ຄິດ ​ແລະ​ ການ​ກະທໍາ​ສ້າງ​ກຸ່ມ​ກ້ອນ​ເຊື້ອ ສາຍ; ​ນໍາພາຂອງ​ພັກ​ ແມ່ນ​ຕ້ອງ​ສອດຄ່ອງ​ກັບ​ກົດໝາຍ, ຕ້ອງ​ເອົາ​ການ​ສ້າງ​ພັກ​ໃຫ້​ເຂັ້ມ​ແຂງ​ຕິດ​ພັນ​ກັບ​ການ​ສ້າງ​ລັດ​ໃຫ້​ເຂັ້ມ​ແຂງ; ພັກ​ຕ້ອງ​ໄດ້​ເຊີດ​ຊູ​ເສີມ​ຂະຫຍາຍ​ລັກສະນະ​ເປັນ​ເຈົ້າການ, ຄວາມ​ຄິດ​ປະດິດ​ສ້າງ ​ແລະ ຄວາມ​ຮັບຜິດຊອບ​ຂອງ​ລັດໃນ​ການ​ຄຸ້ມ​ຄອງ​ປະ​ເທດ​ຊາດ​ບ້ານ​ເມືອງ; ພັກ​ນໍາພາ​ລັດ​ດ້ວຍ​ການ​ສ້າງ​ລັດ ​ໃຫ້​ເປັນ​ລັດ​ແຫ່ງ​ກົດໝາຍຂອງ​ປະຊາຊົນ ​ໂດຍ​ປະຊາຊົນ ​ແລະ ​ເພື່ອ​ປະຊາຊົນ, ​ເປັນ​ລັດ​ທີ່​ປອດ​ໃສ, ​ເຂັ້ມ​ແຂງ​, ມີ​ຄວາມ​ສັກສິດ ​ແລະ ມີ​ປະສິດທິພາບ​ໃນ​ການ​ຄຸ້ມ​ຄອງ​ລັດ-ຄຸ້ມ​ຄອງ​ສັງຄົມ​ດ້ວຍ​ກົດໝາຍ.

4. ພັກເຮົາເວລາໃດກໍເຊີດຊູລັກສະນະນໍາໜ້າຂອງພັກແລະ ຄວາມເປັນແບບ ຢ່າງຂອງສະມາຊິກພັກ, ຄວາມເດັດຂາດເຂັ້ມງວດໃນການຈໍາກັດແກ້ໄຂປະກົດການຫຍໍ້ທໍ້ທີ່ເຮັດໃຫ້ພັກເສື່ອມອິດທິພົນບົດບາດແລະ ຂາດຄວາມເຊື່ອໝັ້ນຈາກປະຊາຊົນ; ພັກໄດ້ເປັນເຈົ້າການປັບປຸງປ່ຽນແປງຕົນເອງຢູ່ສະເໝີ, ​ເອົາໃຈໃສ່ບໍາລຸງສ້າງຖັນແຖວສະມາຊິກພັກໃຫ້ມີຄວາມເປັນແບບຢ່າງນໍາໜ້າ, ​ເປັນກໍາລັງແຮງສູ້ຮົບໃນທຸກຂົງເຂດວຽກງານທັງຢູ່ຂັ້ນສູນກາງແລະ ທ້ອງຖິ່ນຮາກຖານ, ຖືຄວາມສາມາດເປັນສິ່ງສໍາຄັນແລະ ຖືຄຸນທາດການເມືອງ, ຄຸນສົມບັດສິນທໍາປະຕິວັດເປັນສິ່ງຕັດສິນໃນການເລືອກເຟັ້ນແລະ ນໍາໃຊ້ພະນັກງານ.

ພັກ​ເຮົາ​ເປັນ​ກໍາລັງ​ການ​ເມືອງ​ອັນ​ໜຶ່ງ​ອັນ​ດຽວ​ທີ່​ເຂັ້ມ​ແຂງ​, ພັກ​ເປັນ​ຜູ້​ລິ​ເລີ່​ມການ​ປ່ຽນ​ແປງ​ໃໝ່​ໂດຍ​ມີ​ອຸດົມ​ຄະຕິ ​ແລະ ຈຸດໝາຍ​ຢ່າງ​ຈະ​ແຈ້ງ, ສະນັ້ນ, ຍາມ​ໃດ​ພັກ​ກໍ​ເຊີດ​ຊູ​ຄວາມ​ຮັບຜິດຊອບນໍາ​ພາຕໍ່​ທົ່ວ​ສັງຄົມ, ກ່ອນ​ອື່ນ​ໝົດ​ ແມ່ນ​ເອົາ​ໃຈ​ໃສ່​ຕໍ່​ວຽກ​ງານ​ສຶກສາ​ອົບຮົມ​ການ​ເມືອງ-​ແນວ​ຄິດ ​ແລະ ​ໄດ້​ປັບປຸງ, ຍົກ​ຄວາມ​ສາມາດ​ນໍາພາ​ຂອງ​ຕົນ​ຂຶ້ນ​ຢູ່​ສະ​ ເໝີ, ມີ​ຄວາມ​ສະດຸ້ງ​ໄວ​ຕໍ່​ອັນ​ໃໝ່ ​ແລະ ຂໍ້​ຂາດ​ຕົກ​ບົກ​ຜ່ອງ​ຂອງ​ຕົນ, ​ໄດ້​ສະຫລຸ​ບຖອດ​ຖອນ​ບົດຮຽນ​ຈາກ​ພຶດຕິ​ກໍາ​ຂອງ​ຕົນ​ ສົມທົບ​ກັບ​ບົດຮຽນຂອງ​ຕ່າງປະ​ເທດ​ຢ່າງ​ປະດິດ​ສ້າງ​ເພື່ອ​ບູລະນະ​ແນວທາງ​ຂອງ​ພັກ​ໃຫ້​ບໍລິບູນ​ຍິ່ງ​ຂຶ້ນ, ພັກ​ເຮົາ​ໄດ້​ເອົາ​ໃຈ​ໃສ່​ກໍ່ສ້າງ, ບໍາລຸງ​ແລະ ປະຕິບັດ​ນະ​ໂຍບາຍ​ຕໍ່​ພະນັກງານ​ຢ່າງ​ເໝາະ​ສົມ; ມີ​ມາດ​ຕະການ​ອັນ​ເຂັ້ມງວດ​ ໃນ​ການ​ກໍາຈັດ​ປັດ​ເປົ່າ​ພະຍາດ​ອາດຍາ​ສິດ ​ແລະ ປະກົດ​ການ​ຫຍໍ້​ທໍ້​ໃນ​ຖັນ​ແຖວ​ພະນັກງານ, ສະມາຊິກ​ພັກ. ຍ້ອນ​ແນວ​ນັ້ນ ຈຶ່ງ​ຮັກສາ ​ແລະ ​ເສີມ​ຂະຫຍາຍ​ໄດ້​ບົດບາດອິດ​ທິພົນ​ຂອງ​ພັກ, ​ເຊີດ​ຊູ​ຄວາມ​ເຊື່ອ​ໝັ້ນ​ຂອງ​ມະຫາຊົນ​ຕໍ່​ແນວທາງ ​ແລະ ການ​ນໍາພາ​ຂອງ​ພັກ.

ພັກ​ເຮົາ​ຢືນຢັນ​ວ່າ ​ພະນັກງານ, ສະມາຊິກ​ພັກ ມີ​ບົດບາດ​ຕັດສິນ​ຕໍ່​ຜົນ​ໄດ້ຜົນ​ເສຍ ​ຂອງ​ການຈັດຕັ້ງປະຕິບັດ​ແນວທາງ, ນະ​ໂຍບາຍ​ຂອງ​ພັກ; ​ແນວທາງນະ​ໂຍບາຍ​ຂອງ​ພັກ ​ເຖິງ​ວ່າ​ຈະ​ຖືກຕ້ອງ​ປານ​ໃດ​ກໍຕາມ ​ຖ້າ​ຫາກ​ພະນັກງານ, ສະມາຊິກ​ພັກຂາດ​ຄວາມ​ຮູ້​ຄວາມ​ສາມາດ​ໃນ​ດ້ານ​ຕ່າງໆ ​ເພື່ອ​ນໍາພາ ​ແລະ ຈັດຕັ້ງປະຕິບັດ​ໃຫ້​ເກີດ​ຜົນ​ເປັນ​ຈິງ​ແລ້ວ, ​ແນວ ທາງນະ​ໂຍບາຍ​ດັ່ງກ່າວ​ກໍຈະ​ດີ​ພຽງ​ແຕ່​ຢູ່​ໃນ​ໜ້າ​ເຈ້ຍ​ເທົ່າ​ນັ້ນ, ດ້ວຍ​ເຫດ​ນັ້ນ, ພັກ​ເຮົາ​​ໄດ້​ຊຸກຍູ້​ສົ່ງ​ເສີມ​ຄວາມ​ເປັນ​ແບບຢ່າງ​ນໍາ​ໜ້າ​ຂອງ​ພະນັກງານ, ສະມາຊິກ​ພັກ​ທຸກຂັ້ນຕ້ອງ​ປະ ຕິບັດ​ຕາມ​ຄໍາ​ຂວັນ: ​ເວົ້າຕາມ​ແນວທາງ ​ແລະ ມະຕິ​ຂອງ​ພັກ, ປະຕິບັດ​ຖືກ​ກັບ​ລະບຽບແນວທາງນະ​ໂຍບາຍ ​ແລະ ກົດໝາຍ, ​ເວົ້າຕ້ອງ​ຕິດ​ພັນ​ກັບ​ການ​ກະທໍາ​ຕົວ​ຈິງ; ພ້ອມ​ທັງ​ເປັນ​ແບບຢ່າງ​ໃນ​ການ​ເຮັດ​ວຽກ​ງານ ​ແລະ ການ​ດໍາລົງ​ຊີວິດ​ເພື່ອ​ໃຫ້​ປະຊາຊົນ​ມີ​ຄວາມ​ເຊື່ອ​ໝັ້ນ ​ແລະ ​ເຮັດ​ຕາມ.

 ພັກ​ເຮົາ​ໄດ້​ຖື​ສໍາຄັນ​ການ​ສຶກສາ​ອົບຮົມ​ການ​ເມືອງ-​ແນວ​ຄິດ, ການ​ກໍ່ສ້າງ ​ແລະ ບໍາລຸງຍົກ​ລະດັບ​ໃຫ້​ແກ່​ພະນັກງານ, ສະມາຊິກ​ພັກ ​ເພື່ອ​ຕອບ​ສະໜອງ​ຄວາມ​ຮຽກຮ້ອງ​ຕ້ອງການ​ ຂອງ​ໜ້າ​ທີ່​ການ​ເມືອງ​ໃນ​ແຕ່ລະ​ໄລຍະ​ຂອງ​ການ​ປະຕິວັດ, ​ໂດຍ​ສະ​ເພາະ​ແມ່ນ​ຖັນ​ແຖວ​ພະນັກງານ​ນໍາພາ​ຫລັກ​ແຫ​ລ່ງ​ໃນ​ແຕ່ລະ​ຂັ້ນ, ​ໃນ​ແຕ່ລະ​ຂະ​ແໜງ​ການ ​ແລະ ຖັນ​ແຖວ​ພະນັກງານ​ຢູ່​ຮາກ​ຖານ, ​ເຮັດ​ໃຫ້​ພະນັກງານ​, ສະມາຊິກ​ພັກ​ ມີ​ຄວາມ​ຮູ້​ຄວາມ​ສາ ມາດ, ມີ​ຄຸນສົມບັດ​ສິນ​ທໍາ​ປະຕິວັດ, ​ເຊື່ອມ​ຊຶມ​ກໍາ​ແໜ້ນ​ແນວທາງນະ​ໂຍບາຍ​ຂອງ​ພັກ​ແລະ ​ເອົາ​ໃຈ​ໃສ່​ເປັນ​ພິ​ເສດ​ຕໍ່​ການ​ສ້າງ ​ແລະ ນໍາ​ໃຊ້​ພະນັກງານ​ຊົນ​ເຜົ່າ, ພະນັກງານ​ເພດ​ຍິງ, ພະນັກງານ​ໜຸ່ມ​ນ້ອຍ ​ແນ​ໃສ່​ຮັບປະກັນ​ລັກສະນະ​ປະຕິວັດ​ຂອງ​ພັກ ຂອງ​ປະຊາຊົນ​ເຮົາ​ໄປ​ສູ່​ຈຸດໝາຍ​ທີ່​ວາງ​ໄວ້.

5.ໃນການເຄື່ອນໄຫວນໍາພາຂອງຕົນນັ້ນ, ພັກເຮົາເວລາໃດກໍຢຶດໝັ້ນຈິດໃຈຊາດເອກະລາດເປັນເຈົ້າຕົນເອງ, ​ເພິ່ງຕົນເອງ ສ້າງຄວາມເຂັ້ມແຂງດ້ວຍຕົນເອງ, ຕັ້ງໜ້າເສີມຂະຫຍາຍກໍາລັງແຮງພາຍໃນຊາດ ສົມທົບກັບການພົວພັນຮ່ວມມືກັບພັກປະເທດເພື່ອນມິດຍຸດທະສາດແລະ ການຍາດແຍ່ງເອົາການສະໜັບສະໜູນຊ່ວຍເຫລືອຈາກພາຍນອກຢ່າງມີຫລັກການສ້າງເປັນກໍາລັງແຮງສັງລວມເຂົ້າໃນພາລະກິດປົກປັກຮັກສາແລະ ພັດທະ ນາສ້າງສາປະເທດຊາດ.

ການ​ນໍາພາ​ຂອງ​ພັກ​ ແມ່ນ​ຄວາມ​ຈໍາ​ເປັນ​ພາວະ​ວິ​ໄສ, ທັງ​ເປັນ​ປັດ​ໄຈ​ຕັດສິນ​ການ​ຍືນ​ຍົງ​ຄົງ​ຕົວ ​ແລະ ການ​ຂະຫຍາຍຕົວ​ກ້າວ​ຂຶ້ນຂອງ​ຊາດ​ລາວ, ພັກ​ປະຊາຊົນ​ປະຕິວັດ​ລາວ ​ແມ່ນ​ເປັນ​ກໍາລັງ​ການ​ເມືອງ​ອັນ​ໜຶ່ງ​ອັນ​ດຽວ​ທີ່​ໄດ້​ນໍາພາ​ປວງ​ຊົນ​ລາວ ​ຜ່ານ​ຜ່າ​ຄວາມ​ ຫຍຸ້ງຍາກ​ທຸລະກັນດານ ​ແລະ ການ​ທົດ​ສອບ​ທ້າ​ທາຍ​ຕ່າງໆ​ ກ້າວ​ໄປ​ສູ່ຈຸດໝາຍ​ແຫ່ງ​ການ​ສ້າງ​ປະ​ເທດ​ຊາດ​ໃຫ້​ຈະ​ເລີ​ນວັດທະນາ; ປະຊາຊົນ​ລາວ​ບັນດາ​ເຜົ່າ​ຮັ່ງມີ​ຜາ​ສຸກ, ປະ​ເທດ​ຊາດ​ມັ່ງ​ຄັ້ງ​ເຂັ້ມ​ແຂງ, ສັງຄົມ​ມີ​ຄວາມ​ຍຸຕິ​ທໍາ ​ແລະ ສີວິ​ໄລ; ພັກ​ເຮົາ​ເປັນ​ພັກ​ໜຶ່ງ​ພັກດຽວທີ່​ໄດ້​ຮັບ​ຄວາມ​ເຊື່ອ​ຖື ​ແລະ ​ໄວ້​ວາງ​ໃຈ​ຈາກ​ປະຊາຊົນ. ການ​ນໍາພາ​ພາລະກິດ​ປະຕິວັດ​ຢູ່​ປະ​ເທດ​ເຮົາ ​ແມ່ນ​ພາລະ​ກໍາ​ປະຫວັດສາດ ​ທີ່​ປະຊາຊົນ​ລາວ​ບັນດາ​ເຜົ່າ​ມອບ​ໝາຍ​ໃຫ້​ພັກ​, ອັນ​ນັ້ນ ​ແມ່ນ​ກຽດອັນ​ສູງ​ສົ່ງ ​ແລະ ​ແມ່ນ​ຄວາມ​ຮັບຜິດຊອບ​ອັນ​ໃຫຍ່​ຫລວງ​ຂອງ​ພັກ​ເຮົາ​ເຊິ່ງທົ່ວ​ພັກ, ກໍ​ຄື​ພະນັກງານ, ສະມາຊິກ​ພັກ​ແຕ່ລະຄົນ​ຕ້ອງ​ພະຍາຍາມ​ບຸກບືນສູ້​ຊົນ​ເຮັດ​ໃຫ້​ຫລ້ອນ​ໜ້າ​ທີ່​ການ​ເມືອງ​ທີ່​ພັກ​ມອບ​ໃຫ້.

ພັກ​ເຮົາ​​ເວລາ​ໃດ​ກໍ​ໄດ້​ຍົກ​ສູງ​ຈິດ​ໃຈ​ເອກະລາດ ​ແລະ ຫົວຄິດ​ປະດິດ​ສ້າງ​ໃນ​ການ​ຊີ້​

ນໍາ-ນໍາພາ​ຂອງ​ຕົນ ​ໂດຍ​ເລີ່​ມຈາກ​ຄວາມ​ເປັນ​ເອກະລາດ​ທາງ​ການ​ເມືອງ ​ແລະ ການວາງ​ແນວທາງນະ​ໂຍບາຍ​ທີ່​ຖືກ​ກັບ​ສະພາບ ​ແລະ ຄວາມ​ຮຽກຮ້ອງ​ຕ້ອງການ​ຕົວ​ຈິງ, ​ໂດ​ຍສະ​ ເພາະ​ ແມ່ນ​ໄດ້​ເອົາ​ໃຈ​ໃສ່​ສຶກສາ​ອົບຮົມ​, ປຸກລະດົມ​ຊຸກຍູ້ ​ແລະ ​ເລັ່ງທວງ​ໃຫ້​ພະນັກງານ, ສະມາຊິກ​ພັກ ​ແລະ ປະຊາຊົນ​ບັນດາ​ເຜົ່າເຊີດ​ຊູ​ຈິດ​ໃຈ​ຮັກ​ຊາດ, ​ເອກະລາດ​ເປັນ​ເຈົ້າຕົນ​ເອງ, ບຸກບືນ​ສູ້​ຊົນ​ສ້າງ​ຄວາມ​ເຂັ້ມ​ແຂງ​ດ້ວຍ​ຕົນ​ເອງ ​ເພື່ອ​ກ້າວ​ຂຶ້ນ​ສູ່​ຄວາມ​ເປັນ​ເຈົ້າທາງ​ດ້ານ​ເສດຖະກິດ, ​ເພີ່ມ​ພູນ​ຄູນ​ສ້າງ​ມໍລະດົກ​ວັດທະນະ​ທໍາ​ອັນ​ລໍ້າ​ຄ່າ ​ແລະ ອຸດົມ​ຮັ່ງມີ​ຂອງ​ຊາດ​ເຮົາ. ພັກ​ເຮົາ​ໄດ້​ເຊີດ​ຊູ​ຈິດ​ໃຈ​ເອກະລາດ ​ເປັນ​ເຈົ້າຕົນ​​ເອງ ​ແລະ ຄວາມ​ເປັນ​ເຈົ້າການ​ປະດິດ​ສ້າງ, ກໍາ​ແໜ້ນ​ສະພາວະ​ຄວາມ​ເປັນ​ຈິງ​ຂອງ​ປະ​ເທດ ​ແລະ ຄວາມ​ມຸ່ງ​ມາດ​ປາຖະໜາ​ຂອງ​ປະຊາຊົນ, ທັງ​ກໍາ​ແໜ້ນ​ກົດ​ເກນ ​ແລະ ການ​ປ່ຽນ​ແປງ​ຂອງ​ສະພາບ​ແວດ​ລ້ອມ​ສາກົນ​ໃນ​ແຕ່ລະ​ໄລຍະ, ພ້ອມ​ກັນ​ນັ້ນ​ ກໍ​ອອກ​ແຮງ​ສຶກສາ​ອົບຮົມ​ໃຫ້​ທົ່ວ​ພັກ, ທົ່ວ​ປວງ​ຊົນ​ເຊື່ອ​ມຊຶມ​ແນວທາງ​ຂອງ​ພັກ, ​ເຊີດ​ຊູ​ຄວາມ​ເອກອ້າງ​ທະ​ນົງ​ໃຈ​ຕໍ່​ຊາດ, ອີງ​ໃສ່​ກໍາລັງ​ແຮງ​ຂອງ​ຄົນ​ພາຍ​ໃນ​ຊາດ ​ແລະ ຊັບພະຍາກອນ ​ ເພື່ອ​ສ້າງ​ຄວາມ​ຮັ່ງມີ​ໃຫ້​ຕົນ​ເອງ ​ແລະ ພັດທະນາ​ປະ​ເທດ​ຊາດ​ໃຫ້​ຈະ​ເລີ​ນກ້າວໜ້າ.

 ​​ໃນ​ທຸກ​ໄລຍະ​ຂອງ​ການ​ປະຕິວັດ, ພັກ​ເຮົາ​ໄດ້​ຮູ້​ສົມທົບ​ແໜ້ນ​ລະຫວ່າງ​ລັດທິ​ຮັກ​ຊາດ​ທີ່​ແທ້​ຈິງ​ກັບ​ລັດທິ​ສາກົນ​ອັນ​ຜ່ອງ​ໃສ, ​ເດັດດ່ຽວ​ຕໍ່ສູ້​ກັບ​ທຸກ​ປະກົດ​ການ​ທີ່​ເຫັນ​ແກ່​ຕົວ, ຊາດ​ຄັບ​ແຄບ, ຮູ້​ສົມທົບ​ຢ່າງ​ກົມກຽວ​ລະຫວ່າງ​ກໍາລັງ​ແຮງ​ຂອງ​ຊາດ​ ກັບ​ກໍາລັງ​ແຮງ​ຂອງ​ຍຸກ​ສະ​ໄໝ; ພັກຢຶດໝັ້ນ​ໃນ​ແນວທາງ​ການ​ຕ່າງປະ​ເທດສັນຕິພາບ, ​ເອກະລາດ, ມິດຕະ ພາບ ​ແລະ ການ​ຮ່ວມ​ມື​ຢ່າງ​ສະ​ເໝີຕົ້ນສະ​ເໝີ​ປາຍ, ຕັ້ງໜ້າ​ເປັນ​ເຈົ້າການ​ສົ່ງ​ເສີມ​ການ​ພົວ ພັນ​ຮ່ວມ​ມື​ກັບ​ຕ່າງປະ​ເທດ​ແບ​ບຫລາຍ​ທິດ, ຫລາຍ​ຝ່າຍ, ຫລາຍ​ລະດັບ ​ແລະ ຫລາຍ​ຮູບ​ແບບ​ບົນ​ພື້ນຖານ​ຫລັກການ​ເຄົາລົບ​ເຊິ່ງກັນ ​ແລະ​ ກັນ, ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍ​ດ. ດ້ວຍ​ແນວທາງ​ການ​ຕ່າງປະ​ເທດ​ທີ່​ຖືກຕ້ອງ​ຂອງ​ພັກ,  ປະຊາຊົນ​ລາວ​ເຮົາ​ຈິ່ງ​ໄດ້​ຮັບ​ການ​ສະ ໜັບສະໜູນ, ການ​ຊ່ວຍ​ເຫລື​ອອັນ​ໃຫຍ່​ຫລວງ ​ແລະ ມິດ​ຈິດ​ມິດ​ໃຈ​ອັນ​ກວ້າງຂວາງ​ຈາກ​ປະ​ເທດ​ອ້າຍ​ນ້ອງ, ​ເພື່ອ​ນມິດ, ອົງການ​ຈັດຕັ້ງສາກົນ, ປະຊາຊົນ​ຜູ້​ຮັກຫອມ​ສັນຕິພາບ ​ແລະ ຮັກ​ຄວາມ​ເປັນ​ທໍາ​ໃນ​ທົ່ວ​ໂລກ; ການ​​ເປັນ​ໃຈສະໜັບສະ​ໜູນ ​ແລະ ຊ່ວຍ​ເຫລືອ​ອັນ​ປະ​ເສີດ​ດັ່ງກ່າວ​ນັ້ນ ໄດ້​ເປັນ​ເງື່ອນ​ໄຂ​ຊ່ວຍ​ຊູ​ໃຫ້​ປະຊາຊົນ​ເຮົາ​ຜ່ານ​ຜ່າ​ຄວາມ​ຫຍຸ້ງຍາກ, ຍາດ​ໄດ້​ໄຊຊະນະ​ໃນ​ການ​ຕໍ່ສູ້​ກູ້​ຊາດ ກໍ​ຄື ​ໃນ​ພາລະກິດ​ປົກ​ປັກ​ຮັກສາ ​ແລະ ສ້າງສາ​ພັດທະນາ​ປະ​ເທດ​ຊາດ.

 

ກົດໝາຍແຫ່ງ ສປປ ລາວ

ຊົມເຊີມວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 60 ປີ

ຊົມເຊີມວັນສ້າງຕັ້ງ ສປປ ລາວ ຄົບຮອບ 40 ປີ ຢ່າງສຸດໃຈ.

ປະທານ ໄກສອນ ພົມວິຫານ ຢືນຢົງໃນພາລະກິດປະຕິວັດຂອງພວກເຮົາຕະຫລອດໄປ

ກອງປະຊຸມໃຫຍ່ຜູ້ແທນທົ່ວປະເທດ ຂອງ ພັກປະຊາຊົນ ປະຕິວັດລາວ

 

ວີດີໂອທັງໝົດ

ເຊື່ອມຕໍ່ເວບໄຊສ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624